ޖަގަދުރީގެ ޝިޔާމް ސަންދާ ޕޫރީ ކޮލޮނީގެ ރަވިންދާ ސަހާނީ މަރުވެފައިވަނީ ފާހާނާގައި އަމިއްލައަށް ކަރުގައި އެއްޗެއް އައްސައިގެން ކަމަށް އޭނާގެ ރޫމްމޭޓް މައުލޫމާތު ދީފައިވާ ކަމަށް އާއިލާއިން ބުނެއެވެ.
ނަމަވެސް އިންޑިއާގެ ނޫސްތަކާ ވާހަކަ ދައްކަމުން އޭނާގެ އާއިލާއިން ބުނެފައިވަނީ އޭނާ މަރާލީކަމަށެވެ.
ރަވިންދަރގެ ބައްޕަ ރާމްޕްރީތް ސަހާނީ ބުނީ އޭނާގެ ދަރިފުޅު ވޭތުވެދިޔަ ދެ އަހަރު ވަންދެން ރާއްޖޭގައި މަސައްކަތް ކުރަމުން އައި ކަމަށާއި، ޑިސެމްބަރ 10 ވަނަ ދުވަހު އިންޑިއާއަށް ގޮސް 24 ވަނަ ދުވަހު ރާއްޖެ އައި ކަމަށެވެ. އަދި ޑިސެމްބަރު 31 ވަނަ ދުވަހު އޭނާ މަރުވި ހަބަރު ލިބުނު ކަމަށެވެ.
މި މައްސަލައިގައި އާއިލާގެ ތިން މީހަކު ރާއްޖެ އައި ނަމަވެސް، ހަށިގަނޑު ގެންދިއުމަށް ހުއްދަ ނުލިބޭ ކަމަށް އާއިލާއިން ބުނެއެވެ. އަދި މި މައްސަލަ ތަހުގީގު ކުރުމަށް އެދި ޖަގަދުރީގެ ޑެޕިއުޓީ ކޮމިޝަނަރ ކެޕްޓަން މަނޯޖް ކުމާރަށް މެމޮރެންޑަމެއް ހުށަހަޅާފައިވެއެވެ.
- މަރުވި މީހާއަކީ ޖަގަދުރީގެ ރަވިންދަރ ސަހާނީ
- އާއިލާއިން ބުނާ ގޮތުގައި އޭނާ ވަނީ މަރާލާފަ
- ހަށިގަނޑު ގެންދިއުމަށް ހުއްދަ ނުލިބޭ ކަމަށް އާއިލާއިން ބުނޭ
- މައްސަލަ ތަހުގީގު ކުރުމަށް އާއިލާއިން ވަނީ އެދިފައި
