ސްރީ ލަންކަން އެއަރލައިންސްއިން އެ އެއަރލައިންގެ ސޯޝަލް މީޑިއާ ޕްލެޓްފޯމްތަކުގައި ރޮނާލްޑޯ އެ އެއަރލައިނުން ދަތުރުކުރިކަން ހާމަކޮށް ފޮޓޯތައް ހިއްސާކޮށްފައިވެއެވެ. އެހެންނަމަވެސް ރޮނާލްޑޯ ދަތުރު ކުރީ ކޮންތާކަށް ކަމެއް ނޭނގެއެވެ. ސްރީލަންކަން އެއަރލައިންސްއަކީ ދުނިޔޭގެ ވަރަށް ގިނަ ގައުމުތަކަށް ދަތުރުކުރާ އެއަރލައިނެކެވެ.
ސްރީ ލަންކަންއިން ރޮނާލްޑޯ ދަތުރު ކުރިއިރު، އޭނާ ތައްޔާރުވަމުން އަންނަނީ ބްރެޒިލްގެ ފުޓްބޯޅަ ފެޑެރޭޝަންގެ ރައީސްކަމުގެ މަގާމުގެ އިންތިހާބަށެވެ. ބްރެޒިލްގެ ފުޓްބޯޅައިގެ ރައީސް ހޮވުމަށް ބާއްވާ އިންތިހާބު މި އަހަރު އޮންނައިރު، އެ އިންތިހާބުގައި ވާދަކުރާނެކަން ރޮނާލްޑޯވަނީ ރަސްމީކޮށް އިއުލާންކޮށްފައެވެ.
ބްރެޒިލްގެ ފުޓްބޯޅައިގެ ރައީސްކަމުގެ މަގާމަށް ހުސްވުމަށްޓަކައި ރޮނާލްޑޯވަނީ ބްރެޒިލްގައި އޭނާ ގަނެފައިވާ ކްލަބު ވިއްކާލާފައެވެ. އަދި ސްޕެއިންގައި އޭނާ ގަނެފައިވާ ކްލަބުވެސް ވިއްކާލަން މިހާރު އަންނަނީ މަސައްކަތް ކުރަމުންނެވެ.
