ރައީސް މިހެން ވިދާޅުވީ ހުވަދު އަތޮޅުގެ ބައެއް ރަށްރަށަށް ކުރައްވަމުން ގެންދަވާ ދަތުރުފުޅުގެ ތެރެއިން ގދ.ވާދޫއަށް ވަޑައިގެން އެ ރަށު ރައްޔިތުންނާއި ބައްދަލުކުރައްވާ ދެއްކެވި ވާހަކަފުޅުގަ އެވެ.
ރައީސް ވިދާޅުވީ ޒަމާންތަކެއް ވަންދެން ވަކި ކަމެއް ގޯސްކޮށް ހިނގުމަކީ އެކަން އެގޮތަށް ދޫކޮށްލައިގެން ތިބެންޖެހޭ ކަމެއް ނޫންކަން ހިތުގައި ކަނޑައަޅައި އަމަލުން ދައްކަންޖެހޭ ކަމަށެވެ. އަދި ލޯ ކުރިމަތިން ގޯސްކަމެއް ފެނުމުން އެކަމަށް ނޫނެކޭ ބުނަންކެރޭ ބަޔަކަށް ވާންޖެހޭ ކަމަށް ރައީސް ވިދާޅުވި އެވެ.
ރައީސް ވިދާޅުވީ އެ ފިޔަވަޅުތައް އެޅުމުގައި އެ މަނިކުފާނުގެ ނިޔަތް ވަރަށް ސާފު ކަމަށެވެ. އެއާއެކު، ވަށާޖެހޭ މާނައިގައި ތަރައްގީ ގެނައުމަށް ކުރާ މަސައްކަތުގައި އެއްބާރުލުން ދެއްވުމަށް އެ މަނިކުފާނު އެދިވަޑައިގެންނެވި އެވެ.
ރައީސް ވިދާޅުވީ ތަރައްގީއަކީ ހަމައެކަނި ލޮލަށް ފެންނަ، އަތުން ހިފޭ ތަކެތި ނޫން ކަމަށެވެ. ތަރައްގީއަކީ އެ ކުރިއެރުމާއެކުގައި، ސިކުނޑިތައް ތަރައްގީކޮށް، އަޚްލާގު ރަނގަޅުކޮށް، ދަރިން ރަނގަޅަށް ތަރުބިއްޔަތުކޮށް، މުޖުތަމައުގައި ހެޔޮ ކަންކަމަށް އަމުރުކޮށް ނުބައި ކަންކަމުން ރައްކާތެރި ކުރުން ކަމަށެވެ.
ދުންފަތާ ދެކޮޅު ސިޔާސަތުތަކެއް މި ސަރުކާރުން ތަންފީޒުކުރަން ފެށިއިރު ގިނަ ބަޔަކު އަންނަނީ އެ ކަމަށް ތާއީދު ވެސް ކުރަމުންނެވެ. ނަމަވެސް މި ކަަން ތަންފީޒުކުރާމެދު ހިތްހަމަނުުޖެހިގެން ބައެއް އާންމުން ނުރުހުންގެ ވެސް އަންނަނީ ސަރުކާރަށް އަމާޒުވަމުންނެވެ.
