ހިމާލަޔާ ފަރުބަދަ ހިމެނޭ ސަރަޙައްދަށް އައި ރިކްޓަރ މިންގަނޑުން 7.1ގެ ބާރުގަދަ ބިންހެލުމުގެ ލޮޅުމުގެ އަސަރު އިންޑިޔާއާއި ނޭޕާލާއި ބޫޓާނަށް ވެސް ކުރިއެވެ. ނަމަވެސް އެ ގައުމުތަކަށް ލިބުނު ގެއްލުން ކުޑަ އެވެ.
ބިންހެލުމުގައި 3،500 އަށް ވުރެ ގިނަ ގެދޮރު ބިމާހަމަވެ ބޮޑެތި ގެއްލުންތަކެއް ލިބިފައިވާ އިރު، އިމާރާތްތަކުގެ ދަށުގައި ތާށިވެފައި ތިބި މީހުން ސަލާމަތް ކުރުމުގެ މަސައްކަތް އަންނަނީ ކުރަމުންނެވެ. މީޑިއާތަކުން ބުނީ މީހުން ސަލާމަތް ކުރުމުގެ ބާރަށް ކުރިއަށްދާ އިރު، މަރުވި މީހުންގެ އަދަދު އަދިވެސް އިތުރުވުމަކީ އެކަށީގެންވާ ކަމެއް ކަމަށެވެ.
ޗައިނާގެ ޓިބެޓް ސަރަހައްދަށް އައި ބާރުގަދަ ބިންހެލުމުގައި މަރުވި މީހުންގެ އަދަދު 130 އަށް އަރާ
ބިންހެލުން އައިސްފައި ވަނީ އުތުރުން ހިމާލަޔާ ސަރަޙައްދަށް ވަދެވެން އޮންނަ މަގާ ދިމާލުން ބިމުގެ 10 ކިލޯމީޓަރު އަޑިންނެވެ. އެއީ ދުނިޔޭގެ އެންމެ އުސް ފަރުބަދަ ކަމަށްވާ ހިމާލަޔާއާ 80 ކިލޯމީޓަރު ދުރު ސަރަޙައްދެކެވެ. އެއީ ފަތުރުވެރިންގެ މެދުގައި މަގުބޫލް ހަބެއް ކަމަށްވި ނަމަވެސް ފިނި މޫސުމުގައި އެއީ މީހުން ގޮސްއުޅޭ ސަރަޙައްދެއް ނޫނެވެ.
1950ވަނަ އަހަރުގެ ފަހުން އެ ސަރަޙައްދަށް ރިކްޓަރ މިންގަނޑުން 6އަކަށްވުރެ ބާރުގަދަ 21 ބިންހެލުން އެ ސަރަޙައްދަށް އައިސްފައިވެ އެވެ. އެއީ 30 އަވަށެއްގައި މިލިއަނެއްހާ މީހުން ދިރިއުޅޭ ސަރަޙައްދެކެވެ.
