ސާފްގެ އެގްޒެކެޓިވް ކޮމިޓީގެ ބައްދަލުވުމެއް ނޭޕާލްގެ ކަތަމަންޑޫގައި މި ހަފްތާގައި އޮތްނަމަވެސް އެ ބައްދަލުވުމުގެ ނިންމުންތަކުގެ ތަފްސީލެއް ރަސްމީކޮށް ސާފުން އަދި ހާމަ ނުކުރެއެވެ. އެހެންނަމަވެސް އިތުބާރު ހުރި ބައެއް ރިޕޯޓްތައް ބުނާ ގޮތުން ސާފް ޗެމްޕިއަންޝިޕް ފުޓްބޯޅަ މުބާރާތް ހޯމް އެންޑް އަވޭ ފޯމެޓަށް ކުޅެން އެކްސްކޯއިންވަނީ ނިންމާފައެވެ.
މި ނިންމުމާއެކު މި އަހަރުގެ ޖޫން އަދި ޖުލައި މަހު ބާއްވަން މަސައްކަތްކުރަމުން އަންނަ ސާފް ޗެމްޕިއަންޝިޕް ފުޓްބޯޅަ މުބާރާތް ހޯމް އެންޑް އަވޭ ފޯމެޓަށް ކުޅޭނެ ކަމަށް ބެލެވެއެވެ. އެ ބަދަލު ގެނެސްފިނަމަ، ކޮންމެ ގައުމަކަށްވެސް އަމިއްލަ ގައުމުގައި މެޗުތައް ކުޅުމުގެ ފުރުސަތު ލިބޭނެއެވެ.
ސާފްގެ ފޯމެޓް ބަދަލުކުރުމުގެ މަޝްވަރާތައް ކުރިންވެސް ކުރިއަށް ދިޔައެވެ. 2008 ވަނަ އަހަރުގެ ސާފް ޗެމްޕިއަންޝިޕް ފިޔަވައި އެހެން ހުރިހާ މުބާރާތެއް ބާއްވާފައިވަނީ އެ އަހަރަކު ހޯސްޓްކުރާ ގައުމެއްގައި ސެންޓްރަލައިޒްކޮށެވެ. 2008 ވަނަ އަހަރު ބޭއްވީ ރާއްޖެއާ ލަންކާގައެވެ.
