ނިބާލް ވަނީ މިދިޔަ އަހަރު ރިވައިވަލް އިން ދިން ފުރުސަތެއްގައި މެލޭޝިއާގައި ވެސް ޓްރެއިނިންތަކެއް ފުރިހަމަކޮށްފަ އެވެ. ނިބާލް ހުރީ ހަތަރު އަހަރުގެ ކޮންޓްރެކްޓެއްގައި ރިވައިވަލްގައެވެ.
ރިވައިވަލް އިން ބުނި ގޮތުގައި ނިބާލް އިންޑޮނޭޝިއާގައި އެއް މަސް ދުވަހުގެ ފުލް ޓައިމް ޓްރެއިނިން ފުރިހަމަ ކުރަމުން ގެންދާނީ، ސުރަބާޔާގެ ސޮނީ ޑްވީ ކުންކޮރޯ ބެޑްމިންޓަން ޓްރެއިނިން ސެންޓަރުގަ އެވެ.
މިދިޔަ އަހަރު ނިބާލް ވަނީ، ބޮޓްސްވާނާ މުބާރާތުގައި ޒަޔާން ޒަކީއާ އެއް ޕެއާއެއްގައި ކުޅެގެން ފިރިހެން ޑަބަލްސް އިން ލޯ މެޑަލް ހޯދައިފަ އެވެ. ގައުމީ ޗެމްޕިއަންކަން 2022 ވަނަ އަހަރު ހޯދި ނިބާލް ވަނީ އިންޑިއަން އޯޝަން އައިލެންޑް ގޭމްސް (އައިއޯއައިޖީ) ގައި އެންމެ ފަހުން ދެ ފަހަރު ރާއްޖޭގެ ފިރިހެން ޓީމުން ރިހި މެޑަލް އާއި ލޯ މެޑަލް ހޯދި ޓީމުގައި ވެސް މޮޅު ކުޅުމެއް ދައްކައިފަ އެވެ.
މޯލްޑިވްސް ސްޕޯޓްސް އެވޯޑްސްގައި، ރާއްޖޭގެ ޖޫނިއާ އެންމެ މޮޅު ފިރިހެން އެތުލީޓަކަށް ވެސް ހޮވުނު ނިބާލް ވަނީ އެންމެ ފަހުން، މިދިޔަ އަހަރުގެ މޯލްޑިވްސް ސްޕޯޓްސް އެވޯޑްސްގައި އެންމެ މޮޅު ބެޑްމިންޓަން ކުޅުންތެރިޔާގެ މަގާމު ހޯދައިފަ އެވެ.
