Advertisement

މަޖިލީހުގެ ދައުރުން ބޭރު ޖަލްސާތަކެއް ބާއްވަން ނިންމިކަން ޕީއެންސީގެ މަޖިލިސް މެންބަރަކު ވަނީ "ސީއެންއެމް" އަށް ޔަގީންކޮށްދެ އެވެ.

މިނިވަން މުއައްސަސާތަކަށް މެންބަރުން އައްޔަން ކުރުމުގެ މަސައްކަތް ކުރުމަށާއި އިތުރު އެހެން ބައެއް މަސައްކަތްތައް ނިންމުމަށް ދައުރުން ބޭރު ޖަލްސާ ބާއްވަން ނިންމާފައިވަނީ މިމަހުގެ 16 އަދި 20 ވަނަ ދުވަހު ކަމަށް މެންބަރު ވިދާޅުވި އެވެ.

އިލެކްޝަންސް ކޮމިޝަން (އީސީ) އާއި ބްރޯޑްކާސްޓިން ކޮމިޝަނަށް މެންބަރުން އައްޔަން ކުރެއްވުމުގެ މަސައްކަތް މަޖިލީހުގެ ދައުރު ނިމުނުއިރު އޮތީ ނުނިމި އެވެ.

ރައްޔިތުންގެ މަޖިލީހުގެ މިދިޔަ އަހަރުގެ ތިން ދައުރު ނިންމާލައި ޗުއްޓީ އަށް ދިޔައީ މިދިޔަ މަހުގެ 12 ގަ އެވެ. މަޖިލީހުގެ ގަވާއިދުގައިވާ ގޮތުން މި އަހަރުގެ ފުރަތަމަ ދައުރު ފެށޭނީ އަންނަ މަހުގެ 1 ގަ އެވެ.