ޔޫއެންއަށް ދިން އިންޓަވިއުއެއްގައި އޭނާ ވިދަޅުވީ ރާއްޖެެއަކީ އެކްޒޯޓިކް ޓޫރިސްޓް ޑެސްޓިނޭޝަނެއް ކަމަށާއި މިތަން އެކްޒޯޓިކް މަންޒިލަކަށް ވީ ގައުމުގެ ބަޔޯ ޑައިވާސިޓީގެ ސަބަބުން ކަމަށެވެ.
މޫސުމަށް އަންނަ ބަދަލުތަކުގެ ސަބަބުން ރާއްޖޭގެ ބަޔޯޑައިވަރސިޓީއަށް ބޮޑު ނުރައްކަލެއް ކުރިމަތިވެފައިވާ ކަަމަށާއި އެކަން ދެނެގަންނަމުން އަންނަތާ ގިނަ ދުވަސްތަކެއް ވެއްޖެ ކަމަށް އަލީ ނަސީރު ވިދާޅުވިއެވެ. އެގޮތުން ކަނޑުގެ ލޮނުގަނޑު އުފުލުމާ ގުޅޭގޮތުން ފުރަތަމަ ފަހަރަށް 1989 ވަނަ ރާއްޖެއިން ވަނީ ސްމޯލް ސްޓޭޓް ކޮންފެރެންސެއް ހޮސްޓްކޮށްފައި ކަން އޭނާ ވިދާޅުވި އެވެ.
އަދި އެ ކޮންފެރެންސްގައި ބައިނަލްއަގްވާމީ މުޖްތަމައުއަށް ރާއްޖެއިން ގޮވާލީ ރާއްޖެއާއި އެހެނިހެން ތަރައްގީވަމުން އަންނަ ކުދި ޖަޒީރާ ގައުމުތަަކަށް އެފަރާތްތަކުގެ ބަޔޯޑައިވާސިޓީ ހިމާޔަތްކުރުމަށް އެހީތެރިވެ، އަވަސް ފިޔަވަޅުތައް އަޅާ އަދި ކާބަން ދޫކުރާ މިންވަރު މަދުކުރުމަށް ކަމަށް އޭނާ ފާހަގަކުރެއްވި އެވެ.
"ރެސީލިއެންސް" ނުވަަތަ މޫސުމީ ބަދަލުތަކާއި ގުދުރަތީ ކާރިސާތަކުގެ ގެއްލުމުން އަރައިގަތުމަކީ ވަރަަށް ގިނަަ ގައުމުތަަކަށް ދިމާވެފައި އޮތް ގޮންޖެހުމެއް ކަަމަށް އަލީ ނަސީރު އެ އިންޓަވިއުގައި ވިދާޅުވި އެވެ.
ގައުމެއް މުއްސަނދިވެ އިގްތިސޯދީ ގޮތުން ބާރުގަދަ ނަމަ އެމީހުންނަށް ދިމާވާ ގެއްލުންތަކުން އަރައިގަންނަން އުސްމިނެއް ކަނޑައެޅި ގިނަ އަދަދެއްގެ ފައިސާ ލިބިގެންދެއެވެ.އަދި ހަމައެގޮތަށް ރާއްޖެ ފަދަ އިގްތިސޯދީ ގޮތުން ނިކަމެތި ގައުމަކަށް ކާރިސާތައް ކުރިމަތިވުމުން ލިބޭ ފަންޑްތަކުން ހުރިހާ ގެއްލުމެއް ރަނގަޅުނުކުރެވޭކަމަށާއި ސަބަބަކީ ފަންޑަށްވުރެއް ލިބިފައިވާ ގެއްލުން މާ ބޮޑުވުން ކަަމަށް އަލީ ނަސީރު ފާހަގަކުރެއްވި އެވެ. އެހެންކަމަށްވުމާއެކު މި ސަބަބުތަކާހުރެ ރެސިލިއެންސް ބިނާކޮށް، މިޓިގޭޝަން އަށް ވެސް އިތުރަށް ފުރުސަތު ދިނުމަށް ރާއްޖެއިން ވަކާލާތުކުރުމުން ދާކަމަށް އޭނާ ވިދާޅުވި އެވެ.
އޭގެއިތުރުން އެ އިންޓަވިއުގައި އަލީ ނަސިރު ވަނީ ރައީސް ޑރ.މުހައްމަދު މުއިއްޒު ކޮޕްގައި ދެއްކެވި ވާހަަކަތަަކަށްވެސް އަލިއަޅުއްވާާލާފަ އެވެ. އަދި ސުނާމީ ކާރިސާގެ ސަބަބުން ލިބުނު ގެއްލުންތަކާއި އެކަމުން ދަސްވި ފިލާވަޅުތަކުގެ ވާހަކަތަށްވެސް އޭނާ ވަނީ އަަލިއަޅުއްވާލާފަ އެވެ.
