މެޓުން އިންޒާރު ނެރެފައިވަނީ ގއ. އަދި ގދ. އަތޮޅުގެ ރަށްތަކަށެވެ. މިއިންޒާރު ނެރެފައިވަނީ މެންދުރު 12:25 އިން ފެށިގެން 15:00 އާއި ހަމައަށެވެ. މިވަގުތުގައި އެސަރަހަށްދަށް ގުގުރުމާއެކު ބޯކޮށް ވާރޭވެހި ފެންބޮޑުވާނެ ކަމަށް މޫސުމާއި ބެހޭ ގައުމީ އިދާރާއިން ވަނީ ލަފާކޮށްފަ އެވެ.
އިރުއުތުރާއި އުތުރުން އަދި ދެކުނުގެ އަތޮޅުތަކަށް ގަޑިއަކު ތިން މޭލާއި 10 މޭލާއި ދެމެދުގެ ބާރުމިނުގައި އަދި އެހެން ހިސާބުތަކަށް ގަޑިއަކު 10 މޭލަށް ވައި ގަދަވާނެ ކަމަށް ވަނީ ލަފާކޮށްފަ އެވެ. އަދި، ވިލާގަނޑުގައި ގަޑިއަކު 20 މޭލަށް ވައި ގަދަވާނެ ކަމަށް އެ އޮފީހުން ވަނީ ލަފާކޮށްފަ އެވެ.
މެޓް އޮފީހުން ވަނީ ރާއްޖޭގެ ދެކުނުގެ ކަނޑުތައް މަޑުވާނެ ކަމަށާއި އެހެން ހިސާބުގެ ކަނޑުތައް އާދައިގެ ވަރަކަށް ގަދަވާނެ ކަމަށް އަންދާޒާކޮށްފަ އެވެ. ރާޅުގެ އުސްމިނުގައި ހަ ފޫޓާއި ތިން ފޫޓު ހުންނާނެ ކަމަށް އެ އޮފީހުން ލަފާކުރެ އެވެ.
ރާއްޖޭގައި މޫސުން ދަރަޖަ ކޮށްފައި އޮންނަ ގޮތުން ނެރެނީ ވައިޓް، ޔެލޯ، އޮރެންޖް، ރެޑް އަދި ވިއްސާރަ އަލިވުމުން، ގްރީން އެލާޓެވެ. އޮރެންޖް އެލާޓް ނެރެނީ އެއް ގަޑިއިރު ތެރޭގައި 90 މިލިމީޓަރުގެ ވާރޭވެހި، ގަޑިއަކު 63 މޭލަށް ވައި ޖެހޭނެ ކަމަށް ލަފާކުރެވުމުންނެވެ.
މިދިޔަ ހުކުރު ދުވަހު މާލެ އާއި އަތޮޅުތަކަށް ވަރަށް ގަދައަށް ވިއްސާރަ ކުރި އެވެ. މި ވިއްސާރައިގައި މީހުން ދިރިއުޅޭ ގޭގެއަށް ލިބުނު ގެއްލުން 3 މިލިއަން ރުފިޔާއަށް ވުރެ މައްޗަށް އަރާ ކަމަށް ޑިޒާސްޓާ މެނޭޖުމަންޓް އޮތޯރިޓީ (އެންޑީއެމްއޭ)އިން މިއަދު ވަނީ ބުނެފަ އެވެ.
