
ޓްރާންސްޕޯޓް މިނިސްޓްރީން ކުރި އިއުލާނެއްގައި ރަޖިސްޓްރީ ކުރަން ޖެހޭ މުއްދަތު އިތުރުކޮށްދީފައިވަނީ 31 ޑިސެމްބަރު 2024ގެ ނިޔަލަށް ރާއްޖެ އެތެރެކޮށްފައިވާ ހަތަރު ފުރޮޅުލީ އެއްގަމު އުޅަނދުތަކުގެ ތެރެއިން އެ އުޅަނދެއް އުފެއްދި އަހަރުން ފެށިގެން ރަޖިސްޓަރީ ކުރުމަށް ކަނޑައަޅާފައިވާ އުމުރު މިދިޔަ އަހަރުގެ ތެރޭގައި ހަމަވެފައިވާ އުޅަނދުތަކަށެވެ.
އުޅަނދުތައް ރަޖިސްޓްރީ ކުރުމަށް ބޭނުންވާ ލިޔެކިޔުންތަކާ އެކު ހުށަހަޅަން ޖެހެނީ ޓްރާންސްޕޯޓް މިނިސްޓްރީގެ ޕޯޓަލް eportal.mta.gov.mv މެދުވެރިކޮށެވެ.
އެފަދަ އުޅަނދުތައް ރަޖިސްޓްރީކުރުމަށް ހަ ދުވަހުގެ މުއްދަތެއް ވަނީ ދީފަ އެވެ. އެ މުއްދަތު ހަމަވާނީ އަންނަ ބުދަ ދުވަހަށެވެ.
މާލެ ސަރަޙައްދުގައި ރަޖިސްޓްރީ ނުކޮށް ދުއްވާ އުޅަނދުތައް ގިނަ މައްސަލައަކީ ބޮޑު މައްސަލައެކެވެ. އެގޮތުން މާލެއަށް ނޫން އެހެނިހެން ތަންތަނަށް ރަޖިސްޓްރީ ކޮށްފައިވާ އުޅަނދުތައް ގަވާއިދާ ހިލާފަށް މިހާރު ވެސް ދުއްވައެވެ.