އެމްޑީޕީގެ ހަރުގޭގައި ރޭ ބޭއްވި ޖަލްސާގައި ވާހަކަދައްކަމުން ޒިޔާދު ވިދާޅުވީ، އެމްޑީޕީން މި މަހުގެ 31 ވަނަ ދުވަހު ބާއްވާ އެއްވުމަށް މީހުން ގިނަވެއްޖެނަމަ، ސަރުކާރުން އިތުރު މަޝްރޫއުތަކެއް ކުރިއަށް ގެންދަން އެއްބަސްވާ މަންޒަރު ފެންނާނެ ކަމަށެވެ.
އޭނާ ވިދާޅުވީ ކުރިންވެސް އެމްޑީޕީން ބައްދަލުވުމެއް ބާއްވާ ވާހަކަ އިއުލާންކުރި ހިސާބުން ސަރުކާރުން އައީ އިތުރު އެއްބަސްވުންތަކުގައި ސޮއިކޮށް، ކަންކަން ކުރެވޭކަން ދެއްކުމަށް މަސައްކަތްކުރަމުން ކަމަށެވެ. އަދި އިދިކޮޅު ހަރަކާތެއް ބާއްވާ ވާހަކަ އިވުމާއެކު ސަރުކާރުގެ މަސައްކަތްތަކާއި މަޝްރޫއުތައް ފަށަމުންދާކަންވެސް ފާހަގަކުރިއެވެ.
ޒިޔާދު ވިދާޅުވީ އެމްޑީޕީން މި މަހުގެ 31 ވަނަ ދުވަހު އެއްވަން ޖެހުނީ ސަރުކާރުގެ އަމަލުތައް ހުރި ގޮތުން ކަމަށާއި، ސަރުކާރުގެ ނޭދެވޭ އަމަލުތަކާ ދެކޮޅަށް އާންމުން ނުކުންނަން ޖެހޭ ކަމަށެވެ.
