މި ޕެނަލަކީ ގާނޫނީ ތައުލީމު ފޯރުކޮށްދޭ މަރުކަޒުތައް ރިކޮގްނައިޒް ކުރުމުގެ މަސައްކަތް ކުރިއަށް ގެންދާނެ ޕެނަލެކެވެ.
މި މަގާމަށް ކުރިމަތިލާ ފަރާތްތަކުގައި ހުންނަންޖެހޭ ޝަރުތުތަކުގެ ތެރޭގައި ގާނޫނީ ވަކީލުކަމުގެ ހުއްދަ އޮތުމާއި، ގާނޫނީ ދާއިރާގައި މަދުވެގެން 5 އަހަރު ދުވަހުގެ ތަޖުރިބާ ލިބިފައިވުން ހިމެނެއެވެ. އަދި ބާ ކައުންސިލުގެ އެގްޒެކެޓިވް ކޮމިޓީއަކަށް އެއްވެސް އިރެއްގައި އިންތިހާބުވެފައިނުވާ ފަރާތަކަށްވުމާއި، ނަޒާހަތްތެރިކަމާމެދު ސުވާލު އުފެދޭފަދާ މައްސަލައެއް ސާބިތުވެފައިނުވާ ފަރާތަކަށްވުން ވެސް ޝަރުތުތަކުގެ ތެރޭގައި ހިމެނެއެވެ.
ރިކޮގްނިޝަން ޕެނަލުން ކުރާނެ މަސައްކަތްތަކުގެ ތެރޭގައި ރިކޮގްނިޝަންއަށް އެދޭ މަރުކަޒުތަކުގެ ލިޔެކިޔުންތައް ދިރާސާކުރުމާއި، މަރުކަޒުތަކާއެކު ބައްދަލުވުންތައް ބޭއްވުން ހިމެނެއެވެ. އަދި މަރުކަޒުތަކުން ފޯރުކޮށްދޭ ގާނޫނީ ތައުލީމު ޕްރޮގްރާމުތަކަކީ ބާ ކައުންސިލުން ކަނޑައަޅާފައިވާ މިންގަނޑުތަކަށް ފެތޭ ޕްރޮގްރާމުތަކެއްތޯ ބެލުމަކީވެސް މި ޕެނަލުގެ މަސްއޫލިއްޔަތެކެވެ.
މި މަގާމަށް ކުރިމަތިލުމަށް ބޭނުންވާ ފަރާތްތަކަށް އޮންލައިންކޮށް ނުވަތا އީމެއިލް މެދުވެރިކޮށް ކުރިމަތިލެވޭނެއެވެ. އަދި އެކަށީގެންވާ ގާބިލު މީހުން ލިބުމާ ހަމައަށް މި ފުރުސަތު ހުޅުވާލެވިފައި އޮންނާނެ ކަމަށް ބާ ކައުންސިލުން ބުނެފައިވެއެވެ.
