އެޗްއާރްސީއެމްއިން ބުނި ގޮތުގައި މި މައްސަލަ ކޮމިޝަނުގެ ސަމާލުކަމަށް އައުމާއެކު، މޯލްޑިވްސް ކަރެކްޝަނަލް ސާވިސްއާ ގުޅައި މައުލޫމާތު ސާފުކޮށް، ގައިދީންނާ ވާހަކަދައްކައި ހާލަތު ދެނެގަތުމުގެ މަސައްކަތް ކުރަމުންދެއެވެ.
މާފުށި ޖަލުގެ ޔުނިޓު 2 އަދި ޔުނިޓު 4 ގައި ތިބި ގައިދީން ހަޅުތާލު ކުރަމުންދަނީ ސެކިއުރިޓީއަށް ގެނެވުނު ބަދަލުތަކަކާ ގުޅިގެން ކަމަށް ކަރެކްޝަނަލް ސަރވިސްގެ މީޑިއާ އޮފިޝަލް ބުންޏެވެ. ނަމަވެސް ސެކިއުރިޓީއަށް ގެނެވުނު ބަދަލުތަކަކީ ކޮބައިކަން އަދި އެ ބަދަލުތައް ގެންނަން ޖެހުނު ސަބަބު ހާމަކޮށްފައެއް ނުވެއެވެ.
ސޯޝަލް މީޑިއާގައި ދައުރުވަމުންދާ ވީޑިއޯއެއްގައި ފެންނަނީ ބައެއް ގައިދީންގެ ހާލު ދެރަވެގެން ޖަލު އޮފިސަރުން ސްޓްރެޗަރަކަށް ލައިގެން ގެންދާ މަންޒަރެވެ. އެހެން ނަމަވެސް ކަރެކްޝަނަލް ސަރވިސްއިން ބުނީ ހަޅުތާލުގައި ބައިވެރިވާ ގައިދީން ތިބީ ކައިގެން ކަމަށެވެ.
