ރޭ ސަފަރީއަކުން ވެއްޓިގެން ހޯދަން ފެށި މީހާ މަރުވެފައި އޮއްވައި ފެނިއްޖެ
ސަފާރީން ކަނޑަށް ވެއްޓުނު މީހާ މަރުވެފައި އޮއްވައި ފެނިއްޖެ
އަލީ މިދުހަތު
10 ޖެނުއަރީ 2025 - 16:56:59
ރޭ ސަފަރީއަކުން ވެއްޓިގެން ހޯދަން ފެށި މީހާ މަރުވެފައި އޮއްވައި މިއަދު ފެނިއްޖެ އެވެ.
Advertisement
"ނޯތު 7" ސަފާރީއިން ރޭ ކަނޑަށް ވެއްޓި ގެއްލިފައި ވަނީ އަލީ އަރުޝަދު، 35، ސީވީޑް، ނ. ހޮޅުދޫ އެވެ.
އެމްއެންޑީއެފުން މިއަދު ބުނީ، އަރުޝަދުގެ ހަށިގަނޑު ކަނޑުގެ 69 މީޓަރު އަޑިން ހޯދާފައިވާ ކަމަށެވެ.
އޭނާގެ ހަށިގަނޑު ހޯދީ އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑު ސެކަންޑް ސްކޮޑްރަންގެ ޑައިވަރުންނެވެ. އެ ޑައިވަރުން އަރުޝަދުގެ ހަށިގަނޑު މެންދުރު ފަހު 15:35 އެހާކަންހާއިރަށް ލޯންޗަށް ނެގި ކަމަށް ވެސް އެމްއެންޑީއެފުން ބުންޏެވެ.
އެ މީހާ ރޭގެ ވަގުތެއްގައި އެ ސަފާރީގެ ޑެކް މަތީ ހުއްޓައި ވެއްޓި، އަރިމަތީ ޑެކްގައި ޖެހި މޫދަށް ވެއްޓިފައިވާކަން ސީސީޓީވީ ކެމެރާ ފުޓޭޖުން އެނގޭ ކަމަށް ފުލުހުން މީގެ ކުރިން ބުންޏެވެ.
ފާހަގަކޮށްލެވޭ ގޮތުގައި މިއަދު ރިސޯޓެއްގައި ޗުއްޓީ ހޭދަކުރަމުން އައި ފަތުރުވެރިއަކު ވެސް ލޯންޗެއްގެ ބުރަފަތީގައި ޖެހި މަރުވި އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
