ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ ބުނީ މި މަސައްކަތަކީ ގްރޭޓާ މާލެ ގުޅިގެންދާ ކަރަންޓު ވިއުގައިގެ މުހިންމު މަސައްކަތެއް ކަމަށެވެ. އަދި މި މަސައްކަތް ކުރިއަށް ގެންދިއުމަށް މާލޭގެ ދެ ސަރަހައްދަކުން އެއް ގަޑިއިރަށްވުރެ މަދު ވަގުތުކޮޅަކަށް ކަރަންޓު މެދުކަނޑާލަން ޖެހުނު ކަމަށް އޭނާ ފާހަގަކުރިއެވެ.
ޓްރާންސްމިޝަން އެންޑް ޑިސްޓްރިބިއުޝަން ޑިޕާޓްމަންޓުގެ ޖެނެރަލް މެނޭޖަރު އިބްރާހިމް ނާސިދު ބުނީ މެއިން ކޭބަލްތައް ޓެސްޓުކޮށް ނިމި، ހުރިހާ މަސައްކަތެއް ކާމިޔާބުކަމާއެކު ނިންމާލެވިފައިވާ ކަމަށެވެ. ކުރިއަށް އޮތް މަސައްކަތަކީ ދެވަނަ ފިޔަވަހީގައި އަޅާފައިވާ 11 ކޭވީގެ ނެޓްވޯކްގެ ކޭބަލްތައް ސަބްސްޓޭޝަނަށް ބަދަލުކުރުން ކަމަށް އޭނާ ހާމަކުރިއެވެ.
ގްރޭޓާ މާލެ އިންޓަކަނެކްޝަން ޕްރޮޖެކްޓަކީ މާލެ، ހުޅުމާލެ އަދި ހުޅުލެ ގުޅުވައިދޭ ޕަވާ ގްރިޑް ޕްރޮޖެކްޓެކެވެ. މި މަޝްރޫއުގެ ދަށުން ސިނަމާލެ ބްރިޖު މެދުވެރިކޮށް 100 މެގަވޮޓްގެ ކޭބަލެއް އަޅާފައިވެއެވެ.
- މާލޭގެ ދެ ސަރަހައްދަކުން އެއް ގަޑިއިރަށްވުރެ މަދު ވަގުތުކޮޅަކަށް ކަރަންޓު މެދުކެނޑުނު
- މެއިން ކޭބަލްތައް ޓެސްޓުކޮށް ވަނީ ނިމިފަ
- 11 ކޭވީގެ ނެޓްވޯކްގެ ކޭބަލްތައް ސަބްސްޓޭޝަނަށް ބަދަލުކުރުމުގެ މަސައްކަތް ކުރިއަށް އޮތްތާ ކުރިއަށްދާނެ
- ސިނަމާލެ ބްރިޖު މެދުވެރިކޮށް 100 މެގަވޮޓްގެ ކޭބަލެއް އަޅާފައިވޭ
