ads
މީރާ އޮފީސް
މިދިޔަ މަހު އާމްދަނީގެ ގޮތުގައި މީރާއަށް 112 މިލިއއަން ޑޮލަރު
މިދިޔަ މަހު އާމްދަނީގެ ގޮތުގައި ދައުލަތަށް 2.33 ބިލިޔަން ރުފިޔާ ބަލައިގަނެފައިވާ ކަމަށް މޯލްޑިވްސް އިންލަންޑު ރެވެނިއު އޮތޯރިޓީ (މީރާ) އިން ބުނެފިއެވެ.
Advertisement

މި އަދަދަކީ މިދިޔަ 2023 ވަނަ އަހަރުގެ ޑިސެމްބަރުމަހު ލިބުނު އާމްދަނީއަށްވުރެ 4.7 އިންސައްތަ އިތުރު އަދަދެކެވެ. އަދި މީ މދިޔަ މަހު ލިބޭނެކަމަށް ލަފާކުރި އަދަދަށްވުރެ 20.1 އިންސައްތަ އިތުރު އަދަދެކެވެ.

މިދިޔަ މަހު ލިބުނު އާމްދަނީގެ އެންމެ ބޮޑު ބައެއް ހިއްސާކުރަނީ ޖީ.އެސް.ޓީއެވެ. ޖީއެސްޓީގެ ގޮތުގައީ 1.33 ބިލިއަން ރުފިޔާ ވަނީ ލިބިފައެވެ. މީ މދިޔަ މަހު ލިބުނު އާމްދަނީގެ އެއީ 57.34 އިންސައްތައެވެ. ދެން އެންމެ ބޮޑު އާމްދަނީއެއް ލިބިފައިވަނީ ޓޫރިޒަމް ކުލީގެ ގޮތުގައެވެ. ޓްއަރިޒަމް ލޭންޑް ރެންޓުގެ ގޮތުގައި 378.55 މިލިޔަން ރުފިޔާ ވަނީ ލިބިފައެވެ. 

މީގެއިތުރުން އާމްދަނީން ނަގާ ޓެކުހުގެ ގޮތުގައި 116.16 މިލިޔަން ރުފިޔާ، ގްރީން ޓެކުހުގެ ގޮތުގައި 109.46 މިލިޔަން ރުފިޔާ، އެއާޕޯޓް ޑިވެލޮޕްމަންޓް ފީގެ ގޮތުގައި 95.39 މިލިޔަން ރުފިޔާ، އަދި ޑިޕާޗާ ޓެކުހުގެ ގޮތުގައި 93.93 މިލިޔަން ރުފިޔާ ލިބިފައިވާކަމަށްވެސް މީރާގެ ހިސާބުތަކުން ދައްކައެވެ. 

މީރާއިން ބުނީ މިދިޔަ މަހު ލިބުނު އާމްދަނީގެ ތެރޭގައި 112.75 މިލިޔަން އެމެރިކާ ޑޮލަރު ހިމެނޭކަމަށެވެ.


މީރާއިން ބުނީ މިދިޔަ މަހު ލިބޭނެކަމަށް އަންދާޒުކުރި ވަރަށްވުރެ އާމްދަނީ އިތުރުވީ މައިގަނޑު އެއް ސަބަބަކީ ގްރީން ޓެކުހާއި، ވާކް ޕާމިޓް ފީ، ޓޫރިޒަމް ދާއިރާގެ ޖީ.އެސް.ޓީ، ބިދޭސީންގެ ކޯޓާ ފީ އަދި ޓޫރިޒަމް ދާއިރާ ނޫން އެހެނިހެން ދާއިރާތަކުގެ ޖީ.އެސް.ޓީ އިން ލިބުނު އާމްދަނީ އިތުރުވުމުންކަމަށެވެ. އަދި މިދިޔަ މަހު ލިބިފައިވާ އާމްދަނީގެ 17.5 އިންސައްތައަކީ މީރާގެ އެންފޯސްމަންޓް ފިޔަވަޅުތަކުގެ ދަށުން ހޯދާފައިވާ އާމްދަނީކަމަށްވެސް އެ އިދާރާއިން ބުނެއެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް