ގޯލްޑަން ފުޓްސަލް ޗެލެންޖަށް ވަޒީރުގެ ތައުރީފު
ގޯލްޑަން ފުޓްސަލް ޗެލެންޖަށް ވަޒީރުގެ ތައުރީފު
ސްޕޯޓްސް ޓީމް
13 ޖެނުއަރީ 2025 - 14:02:50
މިދިޔަ އަހަރަށް ވުރެ ރަނގަޅަށް އޮގަނައިޒްވެގެން ގޯލްޑަން ފުޓްސަލް މުބާރާތް ކުރިއަށްދާ ކަމަށް ވިދާޅުވެ، ކުޅިވަރު ވަޒީރު އަބްދުﷲ ރާފިއު (ރާއްޕެ)، ރާއްޖޭގެ އެންމެ ބޮޑު ފުޓްސަލް މުބާރާތަށް ތައުރީފު ކުރައްވައިފިއެވެ.
Advertisement
ގޯލްޑަން ފުޓްސަލްގައި އާދިއްތަ ދުވަހު ކުޅުނު ބައެއް މެޗުތައް ބައްލަވައިލެއްވުމަށް ދަނޑަށް ވަޑައިގެންނެވުމަށް ފަހު، ވަޒީރު ވިދާޅުވީ މިދިޔަ އަހަރަށް ވުރެ ގޯލްޑަން ފުޓްސަލް ޗެލެންޖު އިތުރަށް ފުޅާވެގެންދިޔައީ، މުބާރާތް އިންތިޒާމްކުރާ ގޯލްޑަން ފުޓްސަލް އެސޯސިއޭޝަނުގެ ބުރަ މަސައްކަތުން ކަމަށެވެ.
"މިދިޔަ އަހަރަށް ވުރެ މި އަށް އިތުރު ޓީމުތަކާ އެއްކޮށް އެ އަށް ވުރެ ރަނގަޅަށް އޮގަނައިޒްވެގެން މި ފަހަރު މި އޮތީ އައިސްފައި، އަޅުގަނޑު ވަރަށް ފާހަގަކޮށްލަން މި ކަހަލަ އިވެންޓްތަކެއް މި ގޮތަށް ބޭއްވުމުގެ އެންމެ މުހިންމު ކަމަކީ، ކުޅުންތެރިންގެ ހާއްސަކޮށް ޔޫތު އެންގޭޖްކުރާނެ ޕްލެޓްފޯމެއް ކްރިއޭޓްވެގެންދިއުން. މި ކަމުގެ ސަބަބުން އަޅުގަނޑުމެންގެ ތެރޭގައި ޑިވެލޮޕްވަމުން އަންނަ ޓެލަންޓް،" ރާފިއު ވިދާޅުވި އެވެ.
ރާއްޖޭގައި އޮންނަ އެންމެ ބޮޑު ފުޓްސަލް މުބާރާތް ކަމަށްވާ، ގޯލްޑަން ފުޓްސަލް ޗެލެންޖްގެ ކުރިއަށް އޮތް އަހަރުގެ މުބާރާތް ލޯންޗުކޮށްދެއްވީވެސް، ކުޅިވަރާ ބެހޭ ވަޒީރު އަބްދުالله ރާފިއު އެވެ. މި އަހަރުގެ ގޯލްޑަން ފުޓްސަލް މުބާރާތުގައި 129 ޓީމުން ބައިވެރިވެއެވެ. މަސް ދުވަހަށްވުރެ ގިނަ ދުވަހަށް ދެމިގެންދާ މި މުބާރާތަކި ބޮޑު ފުޓްސަލްގެ އީދެކެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
