ކެލައާއި ފިއްލަދޫ ކުޅުނު މެޗުން ކެލާ މޮޅުވީ، ފަސް ލަނޑު ސުން ލަނޑުގެ ބޮޑު ތަފާތަކުންނެވެ. މި މެޗުގެ ތިން ވަނަ މިނެޓުގައި ކެލާ އަށް ލީޑު ނަގައިދިނީ ގާސިމް އަތޫފް ކާމިޔާބުކުރި ގޯލުންނެވެ. އަދި މެޗުގެ 14 ވަނަ މިނެޓުގައި ކެލާގެ ލީޑު ފުޅާކޮށްދިނީ މަހްމޫދް އަބްދުލް ގާދިރުގެ ގޯލުންނެވެ. އަދި މެޗުގެ ދެ ވަނަ ހާފު ފަށައިގެން ހަތަރުވަނަ މިނެޓުގައި މަހްމޫދު ވަނީ އިތުރު ގޯލެއް ޖަހައިފަ އެވެ. އަދި އޭގެ ހަތަރު މިނެޓު ފަހުން މަހްމޫދު ވަނީ ކެލާގެ ހަތަރު ވަނަ ގޯލު ޖަހާ އޭނާގެ ހެޓްރިކް ފުރިހަމަ ކޮށްފަ އެވެ. އަދި ދެ ވަނަ ހާފުގެ 11 ވަނަ މިނެޓުގައި ކެލާގެ ފަހު ގޯލު އެ ޓީމަށް ޖަހާދިނީ އަހުމަދު އިނާދު އެވެ.
ހއ. އަތޮޅުގެ ގްރޫޕް ސްޓޭޖުގައި ރޭ ކުޅުނު މެޗުތަކުން މޮޅުވެ، ކެލާ، ވަށަފަރު އަދި މާރަންދޫން ވަނީ ސެމީ ފައިނަލުގެ ޖާގައެއް ހޯދުމާ ގާތަށް ޖެހިފައެވެ. މި އަތޮޅުގައި ހޯރަފުށީގެ މައްޗަށް މާރަންދޫ އިން ކުރިހޯދީ 3-0 ގެ ނަތީޖާ އަކުންނެވެ. ހއ. އަތޮޅު ގްރޫޕް ބީގައި ވަށަފަރުން މުރައިދޫގެ މައްޗަށް ކުރިހޯދީ 4-1 ގެ ނަތީޖާ އަކުންނެވެ. އުތީމާއި އިހަވަންދޫގެ ކުރިމަތިލުން ވަނީ 3-3 ގެ ނަތީޖާ އަކުން އެއްވަރުވެފަ އެވެ.
