އެކްސް ޕްލެޓްފޯމްގައި މަހުލޫފް ކުރި ޕޯސްޓެއްގައި ބުނެފައިވަނީ މިއީ ވަރަށް ޒިންމާދާރުކަން ކުޑަ އަމަލެއް ކަމަށާއި، މިކަން ކޮށްފައިވަނީ ވަކި ބަޔަކު ރާވައިގެން ކަމަށެވެ. އަދި މިއީ ވަރަށް އާދަޔާ ހިލާފު ގޮތަކަށް މެންބަރުން އިތުރުކުރަމުންދާ ކަމެއް ކަމަށް ވެސް އޭނާ ފާހަގަކޮށްފައިވެއެވެ.
ގިނަ އަދަދެއްގެ ރައްޔިތުންގެ މައުލޫމާތު ބޭނުންކޮށްގެން އަދި ސޮއި ފޯޖުކޮށްގެން ޕީއެންސީއަށް މެންބަރުން ވައްދަމުންދާ ކަމަށް ބުނެ ސޯޝަލް މީޑިއާގައި ގިނަ ބަޔަކު ޝަކުވާ ކުރަމުންދެއެވެ. މީގެ ތެރޭގައި އެމްޑީޕީގެ ޕާލަމެންޓްރީ ގްރޫޕްގެ މެންބަރުންނާއި، ކުރީގެ މެންބަރުންނާއި، އަދި ޕާޓީގެ ނެޝަނަލް ކޮންގްރެސްގެ މެންބަރުން ވެސް ހިމެނެއެވެ.
މި މައްސަލައާ ގުޅިގެން މަހުލޫފް ގޮވާލާފައިވަނީ ޕާޓީގެ މެންބަރުން 100،000 އަށް އިތުރުކުރުމަށް ޕާޓީގެ ރައީސް ގޮވާލި ގޮވާލުމުގައި، ރައްޔިތުންގެ މައުލޫމާތު ބޭނުންކޮށްގެން މިފަދަ އަމަލުތައް ހިންގާ ފަރާތްތަކާމެދު ތަހުގީގުކޮށް ފިޔަވަޅު އަޅަން ޖެހޭ ކަމަށެވެ.
