ޓްރާންސްމަރުން ވައްކަން ކުރަނިކޮށް އަަތުލައިގެންފައިވަނީ ށ. ބިލެއްފަހި ޗަބޭލީގެ އުމުރުން 37 އަހަރުގެ އިބްރާހީމް ޒާލިފް އެވެ.
މި މީހާ ރޭ ހުޅުމާލޭގެ ޓްރާންސްފޯމަރަކަށް ގެއްލުންދީ އޭގެން ވައްކަން ކުރަން އުޅުނިކޮށް އޭނާ އަތުލައިގަތީ ސްޓެލްކޯގެ މުވައްޒަފެކެވެ. އަދި މީނާ ހިފައްހައްޓަން މަސައްކަތް ކުރުމުން މީނާ ވަނީ ސްޓެލްކޯ މުވައްޒަފުގެ ގައިގައި ރެންޗަކުން ޖަހާ މާރާމާރީ ހިންގާފައެވެ. ރެންޗުން ހަމަލާދިނުމުން ސްޓެލްކޯ މުވައްޒަފުގެ މޫނުމަތި އެކި ތަންތަނުން ވަނީ ފަޅައިގެން ގޮސްފައެވެ.
ޓްރާންސްފޯމަރަކާ ގުޅާފައިވާ އޮޕްޓިކް ފައިބާ ކަނެކްޝަންތައް އޮޅުވާލައިގެން ސީސީޓީވީ ސިސްޓަމްތައް ޑިސެބަލް ކުރަން އުޅުނު ބަޔަކު މިރޭ އަތުލައިގެންފައިވާކަމަށްވެސް ސްޓެލްކޯއިން ވަނީ ބުނެފައެވެ.
ފަހަކަށް އައިސް ސްޓެލްކޯގެ ޓްރާންސްފޯމަރުތަކުން ވައްކަން ކުރުމާއި އެތަކެއްޗަށް ގެއްލުން ދިނުމުގެ މައްސަލަތައް ވަނީ އިތުރުވެފައެވެ. ހުޅުމާލޭގައި ހުރި ޓްރާންސްފޯމަރަކު ވައްކަން ކުރަން އުޅުމުގެ ތެރޭގައި މިދިޔަ އަހަރު މީހަކުވެސް ވަނީ މަރުވެފައެވެ.
