މިގޮތުން ޖަމީލް ވިދާޅުވެފައިވަނީ އިހުސާންގެ މިނިސްޓަރުކަމުގައި ރައްޔިތުންނަށް އެއްވެސް ރައްކާތެރިކަމެއް ނެތް ކަމަށެވެ.
އެކްސް ޕްލެޓްފޯމްގައި ކުރެއްވި ޕޯސްޓެއްގައި ޖަމީލް ވިދާޅުވީ މިނިސްޓްރީގެ ތެރޭގައި ފޯޖަރީއާއި އެހެނިހެން ބޮޑެތި ޖިނާއީ ކުށްތައް ހިންގަމުންދާ ކަމަށެވެ. އަދި މިނިސްޓަރު އިހުސާންއަކީ ނަޒާހަތްތެރި ބޭފުޅެއް ނޫން ކަމަށާއި، އަމިއްލަ މަސްލަހަތު އޮތް ވިޔަފާރިތަކަށް ނާޖާއިޒު ފައިދާ ހޯދައިދެމުންދާ ކަމަށް ވެސް ތުހުމަތު ކުރެއްވި އެވެ.
ޖަމީލްގެ މި އިލްޒާމުތައް އަމާޒުވެފައިވަނީ ޑީއެންއާރު ޑޭޓާބޭސްގައި ހުރި މައުލޫމާތު ވަގަށް ބޭނުންކޮށްގެން ޕީއެންސީއަށް މީހުން ވެއްދި ކަމުގެ ތުހުމަތުތައް އުފެދިފައިވާ ދަނޑިވަޅެއްގައެވެ. އަދި މިނިސްޓްރީގެ ޑިޕާޓްމަންޓުތަކުގެ ވެރިން އެކްސެސް ދީ، ސޮއިކޮށްގެން ހިންގާ ކަންކަމުގައި މިނިސްޓަރުގެ ޒިންމާ އޮތް ކަމަށް ވެސް ޖަމީލް ފާހަގަކުރެއްވި އެވެ.
