އިންތި މިހެން ވިދާޅުވީ ސީއެންއެމް އިން ގެނެސްދޭ "ނޭޝަން ޓޯކް" ޕޮޓްކާސްޓް ގައި ވާހަކަ ދައްކަވަމުންނެވެ.
"ސީއެންއެމް" އިން އަންނަނީ ދައުލަތް ނުވަތަ ސަރުކާރު ހިންގުމަށް މިހާރުއޮތް އޮނިގަނޑު ބަދަލުކޮށް، ބޮޑުންގެ ގޭދޮށުގައި މުގޯލި އަޅަން ނުޖެހި ދިރިއުޅެވޭނެކަން ކަށަވަރުވާ ފަދަ ހިންގުމުގެ އާ އޮނިގަނޑެއް ހޯދުމަށް ރައްޔިތުން ހޭލުންތެރި ކުރުމަށް މަސައްކަތްތަކެއް ކުރަމުން ނެވެ.
"ނޭޝަން ޓޯކް"ގެ 13 ވަނަ ޕްރޮގްރާމްގައި ވާހަކަ ދައްކަވަމުން ރައްޔިތުންގެ މަޖިލީހުގައި ގިނަ އަހަރުތަކެއް މަސައްކަތް ކުރައްވާފައިވާ އިންތި ވިދާޅުވީ އިންތިހާބީ މަގާމުތަކަށް މީހުން ހޮވަނީ ޓާމްސްތަކެއް ނުވަތަ ނުވަތަ ވަކި މުއްދަތަކަށް ކަމަށެވެ. ނަމަވެސް އޭގެ މާނަައަކީ އިންތިހާބީ މީހާގެ އެ މުއްދަތު ނިމެންދެން ރައްޔިތުން އަތްއުޅާލައިގެން ތިބުން ނޫން ކަމަށެވެ. އަދި އިންތހާބީ މަގާމުތަކުގައި ތިބޭ މީހުން އަމަލުކުރާގޮތް ބަލާ ފާރަލުމަކީ ރައްޔިތުންގެ މަސައްކަތެއްކަމަށެވެ. އަދި މިކަމުގައި ނޫސްވެރިންގެ ދައުރު ވެސް ބޮޑު ކަމަށަށެވެ.
އިންތި ވިދާޅުވީ ވައުދުތަކެއް ވުމަށްފަހު ވެރިކަމަށް ވަޑައިގަތުމަށްފަހު އެ ވައުދު ނުފުއްދާ ދިއުމުގެ އިހްތިޔާރެއް ވެސް ނެތް ކަމަށާއި ފަސް އަހަރު ނުވަތަ ތިން އަހަރުގެ ދައުރެއް އެބައޮތް ކަމަށް ބުނެ ނިންމާ ނުލެވޭނެ ކަމަށާއި އިންތިހާބީންގެ މަސްއޫލިއްޔަތާއި ޒިންމާތައް އަދި ވާޖިބުތައް ވަރަށް ބޮޑު ކަށެވެ. ސަބަބަކީ އެމީހުން ބޭނުން ކުރަމުން އެ އަންނަނީ ރައްޔިތުންގެ ފައިސާއާއި ރިސޯސް ކަމަށެވެ. އަދި ވެރިކަމަށް ބަޔަކު ހޮވުމުން "ރައްޔިތުންގެ ބާރު" ނިމި ނުދާކަމަށެވެ.
އިންތި ވިދާޅުވީ ނިޒާމުތައް ކަޑައެޅުމާއި ގާނޫނު އަސާސީ އެކުލަވާލުމުގެ ބޭނުމަކީ އެ ގައުމެއްގައި ދިރިއުޅޭ ރައްޔިތުންނަށް އެ ގައުމުގެ ހުރިހާ މިލްކުވެރިކަމެއް ދިނުން ކަމަށާއި ވެރިން ހޮވަނީ ވަގުތީ ގޮތުން ކަމަށެވެ. ނަމަވެސް ބައެއް ފަހަރު އިންތިހާބީން އިންތިހާބުވުމަށް ފަހު ވައުދާއި ހިލާފުވެ އިދިކޮޅަށްދާ ކަމަށެވެ.
މާއްދާ 4 ގައި ބުނާ ގާނޫނީ ތަސައްވަރުގެ ތަރުޖަމާ އަކީ ކޮބާތޯ ސުވާލު ކުރުމުން އިންތި ވިދާޅުވީ ބާރުވެރިކަން ފެށެނީ ރައްޔިތުންގެ ކިބައިން ކަމަށާއި ދެމި ވެސް އޮންނާނީ ރައްޔިތުންގެ ކިބައިގައި ކަމަށާއި ސަރުކާރު ތަކަކީ ވަގުތީ ބައެއް ކަމަށެވެ.
އަދި ވިދާޅުވީ މަގާމުތަކުގައި މުއައްސަސާތަކުގައި އެ ތިބެނީ ވަގުތީ ބައެއް ކަމަށާއި އެ ވަގުތުކޮޅުގައި ނާ ޖާއިޒު ފައިދާގައި ބާރުވެރިކަން ހިންގުމަށް މަސައްކަތް ކުރާނެ ކަމަށެވެ. އެހެން ނަމަވެސް އާހިރުގައި ގާނޫނު އަސާސީގައި ލިޔެފައޮތް ގޮތަށް ބާރުތައް ފެށި ނިމޭނީ ރައްޔިތުންގެ ކިބައިން ކަމަށެވެ.
ގާނޫނު އަސާސީގެ 4 ވަނަ މާއްދާގަ ބުނަނީ "ދިވެހި ދައުލަތުގެ އެންމެހާ ބާރުތައް ފެށިގެން އަންނަނީ ރައްޔިތުންގެ ކިބައިންނެވެ. އަދި މި ބާރުތައް ދެމި އޮންނަނީ ރައްޔިތުންގެ ކިބައިގައެވެ"
