މައުލޫމާތު ލިބިފައިވާ ގޮތުގައި އެފްއޭއެމުން މިހާރު ނިންމާފައިވަނީ ބިދޭސީ ކުޅުންތެރިންގެ އަދަދު ތިނަކަށް ދަށް ކުރާށެވެ. ކުރިން އޮތީ ބިދޭސީ ކުޅުންތެރިންގެ އަދަދު ހައެއްގައެވެ. އެގޮތަށް ނިންމާފައިވަނީ 2023 ވަނަ އަހަރުއެވެ.
މައުލޫމާތު ލިބިފައިވާ ގޮތުގައި ބިދޭސީ ކުޅުންތެރިންގެ އަދަދު ތިނަކަށް ދަށް ކުރީ، އެފްއޭއެމްގެ ޓެކްނިކަލް ކޮމިޓީގެ ވެސް ލަފާގެ މަތިންނެވެ. އެފްއޭއެމްގެ މި ނިންމުން ފުރަތަމަ ޑިވިޝަނުގެ ކްލަބްތަކާ ހިއްސާކޮށް ވަނީ ސާކިއުލާއެއް ފޮނުވައިފަ އެވެ.
އޭއެފްސީގެ 2023/2024 ކްލަބް ފުޓްބޯޅަ ސީޒަނުން ފެށިގެން ބިދޭސީ ހަ ކުޅުންތެރިއަކު، ޓީމު ލިސްޓުގައި ހިމެނުމުގެ ފުރުސަތު ކޮންމެ ޓީމަކަށް ވެސް ދޭން ނިންމި އެވެ. އެ އެ ގޮތުން، ޓީމުގައި ހިމަނާ އެ ބިދޭސީ ހަ ކުޅުންތެރިންގެ ތެރެއިން އެއް ކުޅުންތެރިއަކު ވާން ޖެހޭނީ އޭޝިއާ ބައްރުގެ ގައުމަކަށް ނިސްބަތްވާ ކުޅުންތެރިއަކަށެވެ.
