މައުލޫމާތު ލިބިފައިވާ ގޮތުގައި ޔަލަމްލަމް ހައްޖާއި އުމްރާ ގްރޫޕްގެ ސްޕޮންސަޝިޕެއްގައި ކެރަމް އެސޯސިއޭޝަނުން މި ކަނޑައެޅި އިނާމު ލިބިގެންދާނީ، ކުރިއަށް އޮތް ދެ ވަނަ ވެޓަރަންސް ކެރަމް ޗެމްޕިއަންޝިޕްގެ ސިންގަލްސް ޗެމްޕިއަނަށެވެ.
އަންހެން އާއި ފިރިހެން، ދެ ކެޓަގަރީ އެއްކޮށް އިވެންޓްސް ބާއްވަން ކެރަމް އެސޯސިއޭޝަނުން ނިންމާފައިވަނީ، މިދިޔަ އަހަރުތަކުގެ ތަޖުރިބާ އަށް ބެލުމަށް ފަހު ކަމަށްވަނީ މައުލޫމާތު ލިބިފައެވެ. މި މުބާރާތުގައި ކުޅެވޭނީ އުމުރުން 40 އަހަރުން މަތީގެ މީހުންނަށެވެ.
މި މަހު 29 ގައި ފަށާއިރު، މި މުބާރާތުގައި ބައިވެރިވުމުގެ ފުރުސަތު މި މަހުގެ 26 ވަނަ ދުވަހުގެ ރޭ 22:00 އާ ހަމައަށް ވަނީ ހުޅުވާލައިފަ އެވެ. މުބާރާތުގެ ގަވާއިދަށް ބަލާއިރު، 40 އަހަރުން މަތީގެ ކުޅުންތެރިންގެ ތެރެއިން ބައިވެރިވެވޭނެ ފަރާތްތަކުގެ ތިން ޝަރުތެއް ވަނީ ހިމަނައިފަ އެވެ. އެއީ، ފާއިތުވި ތިން އަހަރު ގައުމީ ސްކޮޑުގައި ހިމެނިފައިނުވާ ކުޅުންތެރިން، ފާއިތުވި ތިން އަހަރު ގައުމީ މުބާރާތުގެ ގަދަ އަށް ކުޅުންތެރިންގެ ތެރޭގައި ހިމެނިފައިނުވުން އަދި ފާއިތުވި ތިން އެސޯސިއޭޝަން ޗެމްޕިއަންޝިޕްގެ ގަދަ ހަތަރެއްގެ ތެރޭގައި ހިމެނިފައިނުވުމެވެ.
