މިގޮތުން މި މަހުގެ 16 ވަނަ ދުވަހު މިފްކޯއަށް ކިރުވި މަހަށް 56 ދޯންޏަކަށް ދޭންޖެހޭ 2.3 މިލިއަން ރުފިޔާ މިއަދު އެ ދޯނިތަކުގެ ބޭންކް އެކައުންޓްތަކަށް ޖަމާކޮށްފައިވާ ކަމަށް މިފްކޯއިން ބުނެފައިވެއެވެ.
މި ސަރުކާރުން މިހާތަނަށް މަސްވެރިންނަށް ދޫކޮށްފައިވާ ފައިސާގެ އަދަދު އެއް ބިލިއަން ރުފިޔާއަށް ވުރެ މަތިވެފައިވާ ކަމަށް މިފްކޯއިން ހާމަކޮށްފައިވެއެވެ. މިއީ 61،091 މެޓްރިކްޓަނުގެ މަހަށް ދޫކޮށްފައިވާ ފައިސާއެވެ. މި ފައިސާ ދޫކޮށްފައިވަނީ 2023 ވަނަ އަހަރުގެ ނޮވެމްބަރު 20 އިން ފެށިގެން މިއަދާ ހަމައަށެވެ.
ރައީސް ޑރ. މުއިއްޒުގެ ވައުދާ އެއްގޮތަށް، ބީއެމްއެލް އަދި އެމްއައިބީގައި އެކައުންޓް އޮންނަ މަސްދޯނިތަކަށް 48 ގަޑިއިރު ތެރޭގައި ފައިސާ ދޫކުރުމުގެ މަސައްކަތް ސަރުކާރުން ވަނީ ފަށާފައެވެ. ނަމަވެސް ރިޔާސީ އިންތިހާބުގެ ތެރޭގައި ރައީސް މުޢިއްޒު ވަޢުދުވެވަޑައިގެންނެވި ގޮތަށް މަހުގެ އަގު ކިލޯއަކަށް 20 ރުފިޔާއަށް ބަދަލުކުރުމުގެ ބަދަލުގައި، މިހާރު ވަނީ 16 ރުފިޔާއަށް ހަމަޖައްސާފައެވެ.
- 56 ދޯންޏަކަށް 2.3 މިލިއަން ރުފިޔާ މިއަދު ދޫކުރި
- ނޮވެމްބަރު 20 އިން ފެށިގެން އެއް ބިލިއަން ރުފިޔާއަށްވުރެ ގިނަ ރުފިޔާ ދޫކުރި
- 48 ގަޑިއިރު ތެރޭގައި ފައިސާ ދޫކުރަން ވަނީ ފަށާފަ
