
މި އެއްބަސްވުމުގެ ދަށުން ކައުންސިލް އިދާރާގެ ހޯލުން 264 އަކަފޫޓުގެ ޖާގައެއް ކުލި ނުނަގާ ގޮތަށް ބީއެމްއެލްއަށް ދޫކުރުމަށް ވަނީ ހަމަޖެހިފައެވެ. މި ސަރަހައްދުގައި އަލަށް ބަހައްޓާ އޭޓީއެމްގެ މަސައްކަތްތައް ކުރިއަށް ގެންދާނެއެވެ.
މި އެއްބަސްވުމުގައި ފިޔޯރީ ކައުންސިލްގެ ފަރާތުން ސޮއިކުރެއްވީ ކައުންސިލްގެ ރައީސް ފައިޒަރު ރަޝީދެވެ. އަދި މި މަޝްރޫއަކީ ސަރުކާރުގެ އޭޓީއެމް އެކްސްޕޭންޝަން ޕްރޮޖެކްޓްގެ ދަށުން ރާއްޖޭގެ އެކި ކަންކޮޅުތަކުގައި އޭޓީއެމްގެ ހިދުމަތް ފުޅާކުރުމަށް ކުރެވޭ މަސައްކަތުގެ ތެރެއިން ހިންގޭ މަޝްރޫއެކެވެ.
ފިޔޯރީގައި އޭޓީއެމްގެ ހިދުމަތް ގާއިމުކުރުމުން ރަށުގެ ރައްޔިތުންނަށް ފަސޭހަކަމާއެކު ބޭންކިންގ ހިދުމަތްތައް ލިބިގެންދާނެ ކަމަށް ބީއެމްއެލްއިން ބުނެއެވެ. އަދި 2025 ވަނަ އަހަރު ނިމުމުގެ ކުރިން ފިޔޯރީގެ ރައްޔިތުންނަށް އޭޓީއެމްގެ ހިދުމަތް ލިބޭނެކަމަށް އެ ރަށު ކައުންސިލުން ބުނެއެވެ.