ކަރީނާ ކަޕޫރް ހާން
ފިރިމީހާއަށް ވަޅިން ހަމަލާ ދިނީ ވަރަށް އަނިޔާވެރި މީހެއް: ކަރީނާ
އިމާދު އަލީ
18 ޖެނުއަރީ 2025 - 23:40:50
ފިރިމީހާ ސައިފް އަލީ ކާނަށް ހަމަލާދިން މީހާއަކީ ވަރަށް އަނިޔާވެރި މީހެއް ކަމަށް ބޮލީވުޑްގެ މަޝްހޫރު ތަރި ކަރީނާ ކަޕޫރު ބުނެފިއެވެ.
Advertisement
މުންބާއީގައި ހުރި އެމީހުންގެ އެޕާޓްމަންޓަށް ވަދެ، އެއްވެސް އަގުހުރި އެއްޗެއް ވަގަށް ނުނަގައި، ސައިފް އަލީ ހާން އަށް 6 ފަހަރު ވަޅިން ހަމަލާދިން ކަމަށް ކަރީނާ ފުލުހުންނަށް މައުލޫމާތު ދީފައިވެއެވެ.
މި ހާދިސާ ހިނގި ވަގުތު އެޕާޓްމަންޓްގައި ތިބި އަންހެނުންނާއި ކުޑަކުދިން ރައްކާތެރިކަމަށްޓަކައި 12 ވަނަ ފަންގިފިލާއަށް ގެންދެވުނު ކަމަށް ކަރީނާ ބުންޏެވެ. އަދި މި ހާދިސާއާ ގުޅިގެން ފުލުހުން ދަނީ ތަހުގީގު ކުރަމުންނެވެ.
ކަރީނާ ކަޕޫރު އަކީ ފުލުހުންގެ ހޭލުންތެރިކަމުގެ ޕްރޮގްރާމްތަކަށް އެހީތެރިވަމުން އަންނަ ތަރިއެކެވެ. އޭގެ ތެރޭގައި ކޮވިޑް-19 އާ ގުޅޭ ރައްކާތެރިކަމުގެ ފިޔަވަޅުތަކާއި އެހެނިހެން ހޭލުންތެރިކަމުގެ މެސެޖްތައް ހިމެނެއެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
