އެ ކޯޓުން އާއްމުކުރި މިދިޔަ އަހަރުގެ ތަފާސްހިސާބުތައް ދައްކާގޮތުން މިިދިޔަ އަހަރު ދިވެހިން ބިދޭސީންނާ ކުރި ކައިވެނީތަކުގެ ތެރެއިން 45 ކައިވެންޏަކީ ބިދޭސީ ފިރިހެނުންނާއި ދިވެހި އަންހެނުން ކުރި ކައިވެނިތަކެވެ. މީގެއިތުރުން ބިދޭސީ 118 އަންހެނުންނާއި ދިވެހި ފިރިހެނުން ކުރި ކައިވެނިކޮށްފައިވާކަމަށްވެސް ފެމިލީ ކޯޓުގެ ހިސާބުތަކުން ދައްކައެވެ.
ނިމިދިޔަ 2024 ވަނަ އަހަރު ފެމިލީ ކޯޓުން ކޮށްދިން ކައިވެނީގެ އަދަދަކީ 2485 އެކެވެ. އަދި މިދިޔަ އަހަރުގެ ތެރޭގައި 1326 ވަރިކޮށްފައިވާކަމަށްވެސް ފެމިލީ ކޯޓުން ބުނެއެެވެ.
ފެމިލީ ކޯޓުން މިދިޔަ އަހަރު 97 މިލިއަން ރުފިޔާގެ ފައިސާ ދެއްކުމަށް ސާބިތުކޮށްފައިވާ ކަމަށް އެ ކޯޓުގެ ހިސާބުތަކުން ދައްކައެވެ. މި ފައިސާގެ ތެރޭގައި އަނބިދަރިންގެ ހަރަދާއި، އިއްދައިގެ ހަރަދާއި، ވިހެއުމުގެ ހަރަދު އަދި ކައިވެނީގެ ރަނުގެ ހަރަދު ހިމެނެއެވެ.
މިދިޔަ އަހަރުގެ ތަފާސް ހިސާބުތަކަށް ބަލާއިރު، އެކި މައްސަލަތަކާ ގުޅިގެން 46.8 މިލިއަން ރުފިޔާ ކޯޓަށް ބަލައިގަނެފައިވެއެވެ. އަދި 2023 ވަނަ އަހަރު ރައްދު ނުކުރެވި ހުރި ފައިސާއާއެކު 47.5 މިލިއަން ރުފިޔާ ރައްދުކޮށްދީފައިވެއެވެ.
