މި ހަރަކާތަކީ ޔުނިވާސިޓީގެ ކޯސްތަކަށް އަލަށް ވަންނަން ޝައުގުވެރިވާ ފަރާތްތަކަށް އެ ޔުނިވާސިޓީގެ ހުރިހާ ފެކަލްޓީތަކާއި ސެންޓަރުތަކާ ބެހޭ މައުލޫމާތު ފޯރުކޮށްދިނުމަށް ކޮންމެ އަހަރަކުވެސް ބާއްވަމުންދާ ހަރަކާތެކެވެ.
ކުޅުދުއްފުށީ ކެމްޕަހުގައި ބާއްވާ ފަހި ދުވަހުގެ ހަރަކާތް އޮންނާނީ މާދަމާ، ހެނދުނު 9:00 -12:00 ، 16:15 - 18:00 އަދި 20:15 - 22:00 އަށެވެ.
މި ހަރަކާތުގެ ތެރެއިން އޭލެވެލާއި އެ ނޫން ވެސް ޔުނިވާސިޓީން ބަލައިގަންނަ ނަތީޖާ ލިބިފައިވާ ދަރިވަރުންނަށް ޔުނިވާސިޓީގެ ކޯސްތަކަށް ކުރިމަތިލުމަށް ފޯމު ހުށަހެޅުމުގެ ފުރުސަތު އޮންނާނެއެވެ. އަދި ފޯމު ފުރައިދިނުމާއި ބަލައިގަތުން ވެސް ކުރިއަށް ދާނެ ކަަމަށް އެ ޔުނިވާސިޓީން ބުންޏެވެ. އަދި ކެރިއަރގައިޑެންސް އާއި އެމްއެންޔޫ ކުޅުދުއްފުށީ ކެމްޕަހުގައި ކިޔަވާ ދަރިވަރުންނަށް ހުރި ފުރުސަތުތަކާއި ވަސީލަތްތަކުގެ މައުލޫމާތު ލިބިގެންދާނެ އެވެ.
އޭގެ އިތުރުން އެމްއެންޔޫގެ ކުޅުދުއްފުށީ ކެމްޕަސް މެނޭޖާ އައިމިނަތް އަލީ ސީއެންއެމް އަށް ވިދާޅުވީ މާދަމާގެ އިވެންޓްގައި ވިޒިޓަރުންގެ މެދުގައި ގުއަތުން ނެގޭ 3 ބޭފުޅަކަށްވަރަށް އަގު ހުރި ސްޓޭޝަނަރީ ގިފްޓްޕެކްސް ތަކެއްވެސް ލިބިގެންދާނެ ކަމަށެވެ. އޭގެ އިތުރުން މި އިވެންޓް ތެރޭގައި އެކިކަހަލަ ގޭމް އަދި އެކްޓިވިޓީސް ތައް ވެސް ކުރިޔައްދާނެ ކަމަށް އައިމިނަތް އަލީ ވިދާޅުވިއެވެ.
