އެމެރިކާގެ ސަރުކާރުން އެ ގައުމުގައި ޓިކްޓޮކް ބޭން ކުރަން ނިންމުމާއެކު ހޮނިހިރު ދުވަހުގެ ދަންވަރުގެ ވަގުތަކުން ފެށިގެން އެ އެޕްލިކޭޝަންގެ ހިދުމަތް ވަނީ އެގައުމުގައި މެދުކަނޑާލާފައެވެ.
ޓިކްޓޮކުން އެކްސްގައި ހިއްސާކުރި ޕޯސްޓެއްގައި ބުނެފައިވަނީ އެ އެޕްލިކޭޝަންގެ ހިދުމަތް އަލުން ދޭން ނިންމާފައިވަނީ އެކަމުގެ ސަބަބުން އެޕްގެ ސާވިސް ދޭ ފަރާތްތަކަށް އެއްވެސް ގޮންޖެހުމެއް ނާއްނާނެ ކަމަށް ބުނެ އެމެރިކާގެ އިންތިހާބީ ރައީސް ޓްރަމްޕު ޔަގީންކަން ދިނުމުންނެވެ . އަދި މިއީ ވަގުތީ ހައްލެއް ކަމަށެވެ. އިތުރު ރިޕޯޓުތައް ބުނާ ގޮތުގައި އެމެރިކާގައި ޓިކްޓޮކް ބޭން ކުރަން ނިންމައި ގާނޫނު ހަދާފައިވަނީ އެއީ އެ ގައުމުގެ ސަލާމަތީ ހިދުމަތްތައް ކަށަވަރު ކުރެވިފައި އޮތުމަށް ކޮންމެހެން ބޭނުންތެރި ކަމެއްގެ ގޮތުގައި ދެކޭތީއެވެ.
މި އެޕްލިކޭޝަނަކީ އެމެރިކާގެ 170 މިލިއަން މީހުން ބޭނުން ކުރާ އެޕަކަށް ވީއިރު، މި އެޕްގެ ޒަރިއްޔާއިން އާމްދަނީ ހޯދާ މީހުންވެސް އެގައުމުގައި ވަރަށް ގިނައެވެ.
