ފޮރިން މިނިސްޓްރީ
އިންސާނީ ހައްގުތަކާ ގުޅޭ މުހިންމު ބައްދަލުވުމެއްގައި ރާއްޖެ ބައިވެރިވެއްޖެ
ގުފްތަގް އަޖީރު
20 ޖެނުއަރީ 2025 - 15:45:37
ޖެނީވާގައި މިއަދު ފެށުނު އދ. ގެ އިންސާނީ ހައްގުތަކާ ގުޅޭ މުހިންމު ބައްދަލުވުމެއްގައި ދިވެހިރާއްޖެ ބައިވެރިވެއްޖެއެވެ.
Advertisement
މިއީ ޔުނިވަރސަލް ޕީރިއޮޑިކް ރިވިއު (ޔޫޕީއާރް) ގެ 48 ވަނަ ސެޝަންއެވެ.
ޕެލޭ ޑި ނޭޝަންސްގައި ބޭއްވޭ މި ބައްދަލުވުން ކުރިއަށްދާނީ ޖަނަވަރީ 31 ގެ ނިޔަލަށް ކަމަށް މި ބައްދަލުވުމުގައި 14 ގައުމެއްގެ އިންސާނީ ހައްގުތަކުގެ ހާލަތު ދިރާސާކުރެވޭނެއެވެ. މީގެ ތެރޭގައި އީރާން، އިޓަލީ، ފީޖީ އަދި މިސްރު ފަދަ ގައުމުތައް ހިމެނެއެވެ.
"ޔޫޕީއާރް އަކީ އދ. ގެ މެމްބަރު ގައުމުތަކުގެ އިންސާނީ ހައްގުތަކުގެ ހާލަތު ބަލައި، އެކަން ރަނގަޅުކުރުމަށް މަސައްކަތްކުރާ ނިޒާމެއް،" - ފޮރިން މިނިސްޓްރީ-
ރާއްޖޭގެ ފަރާތުން މި ބައްދަލުވުމުގައި އިސްކޮށް ބައިވެރިވެވަޑައިގަންނަވަނީ ޖެނީވާގައި ހުންނަ އދ. އަށް ރާއްޖެއިން ކަނޑައަޅާފައި ހުންނަވާ ދާއިމީ މަންދޫބު ޑރ. ސަލްމާ ރަޝީދެވެ. އަދި އެމަނިކުފާނާއެކު އިތުރު ތިން ބޭފުޅުން ވަފުދުގައި ހިމެނިވަޑައިގަންނަވައެވެ.
މި ބައްދަލުވުމުގައި ރާއްޖޭގެ ވަފުދުން ރިވިއުކުރެވޭ ގައުމުތަކަށް ބިނާކުރަނިވި އިސްލާހުތަކެއް ހުށަހަޅުއްވާނެކަމަށް ފޮރިން މިނިސްޓްރީން ބުނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
