ރައީސް މުއިއްޒު ވާދޫއަށް ވަޑައިގަތުމުން އެ ރަށު ރައްޔިތުން މަރުހަބާ ކިޔަނީ
ރަށްރަށަށް ދަތުރުކުރަނީ އަވަސް ސްޕީޑުގައި ނަތީޖާ ނެރެދޭން: ރައީސް
މުހައްމަދު އާދަމް އަހްމަދު
21 ޖެނުއަރީ 2025 - 12:21:30
ސިލްސިލާކޮށް ރަށްރަށަށް ދަތުރު ކުރައްވަނީ ރައްޔިތުންނަށް ބޭނުންވާ ކަންތައްތައް ވީހާ ވެސް އަވަސް ސްޕީޑެއްގައި ކޮށްދީ ނަތީޖާ ނެރެދިނަށްކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
Advertisement
އެމަނިކުފާނު މިހެން ވިދާޅުވީ މިއަދު ރ އަތޮޅަށް ފެއްޓެވި ދަތުރުގައި އެ އަތޮޅު ވާދޫއަށް ވަޑައިގެން އެރަށު ރައްޔިންތުންނާއި ބައްދަލުކުރައްވާ ވާހަކަފުޅު ދައްކަވަމުންނެވެ.
ރައީދް މުއިއްޒު ވިދާޅުވީ އެމަނިކުފާނު ރަށްރަށަށް ދަތުރުކުރައްވަނީ މިނިސްޓަރުންނާއެކު ކަމަށާއި އެކަމުގެ ބޭނުންފުޅަކީ އެ ދާއިރާއަކާ ގުޅޭ ގޮތުން ރައްޔިތުންގެ ހުރި ކަންބޮޑުވުންތައް މިނިސްޓަރުންނާ ހިއްސާ ކުރުމުގެ ފުރުސަތު ފަހިކޮށްދެއްވަން ކަމަށެވެ.
"އަޅުގަނޑު މި ދަތުރުތައް މި ކުރަނީ ކަންކަން ކޮށްދިނުމުގައި ޔަގީންކަން ރައްޔިތުންނަށް ފޯރުކޮށްދޭން. ކަމާ ބެހޭ ވުޒާރާތަކުގެ ވަޒީރުން އަޅުގަނޑާ އެކު ވަޑައިގެން އެ ކަންކަމުގައި ތިބޭފުޅުން ބޭނުންވާ ކަންކަން އޮޅުންފިލުވާ އަދި އެ ކަންކަން ކުރެވޭނެ ގޮތް ސާފުކޮށް ރައްޔިތުންނަށް ކިޔައިދީ، ނަތީޖާ ނެރެދިނުމުގެ ބޭނުމުގައި،" ރައީސް މުއިއްޒު ވިދާޅުވި އެވެ
ރައީސް މިއަދު ރ އަތޮޅަށް ފެއްޓެވި ދަތުރުފުޚުގައި އެ އަތޮޅުގެ 11 ރަށަކަށް ވަޑައިގަތުމަށް ވަނީ ހަމަޖެހިފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
