ފަސް ޓީމު ވާދަކުރި މި އަތޮޅު ބުރުން، ފައިނަލްގައި ދަރަނބޫދޫއާ ކުޅޭނީ މަގޫދޫއެވެ. ރޭ ދަރަނބޫދޫ އިން ބިލެއްދޫގެ މައްޗަށް ކުރިހޯދީ 2-1 ގެ ނަތީޖާ އަކުންނެވެ. މި މެޗުން ދަރަނބޫދޫ މޮޅުވީ، ބިލެއްދޫން ލަނޑެއް ޖަހާފައިވަނިކޮށް ފަހަތުން އަރައި ދެ ލަނޑު ޖަހައިގެންނެވެ.
މި އަތޮޅުގައި ފީއަލިގެ މައްޗަށް ނިލަންދޫން ރޭ ކުރި ހޯދީ ތިން ލަނޑު ސުން ލަނޑުންނެވެ. ކުރިން ތިން މެޗުންވެސް ބަލިވެފައިވާ ނިލަންދޫ ރޭގެ މެޗުން މޮޅުވިނަމަވެސް އެ ޓީމަށްވެސް މުބާރާތް ނިމުނީއެވެ.
މި ނަތީޖާތަކާއެކު ދަރަނބޫދޫ ފައިނަލުގެ ޖާގަ ކަށަވަރުކުރީ ލީގު ބުރުގައި ކުޅުނު ތިން މެޗުން ނުވަ ޕޮއިންޓް ހޯދައިގެންނެވެ. ދެ ވަނައިގައި އޮތް މަގޫދޫ އަށް ތިން މެޗުން ހަތް ޕޮއިންޓް ވަނީ ލިބިފަ އެވެ. އަދި ތިން ވަނައިގައި ބިލެއްދޫ އޮތީ ތިން މެޗުން ހަތަރު ޕޮއިންޓް ހޯދައިގެންނެވެ. ހަތަރެއްގައި އޮތް ނިލަންދޫ އަށް ތިން ޕޮއިންޓް އަދި ފުލުގައި އޮތް ފީއަލީ އަށް ޕޮއިންޓެއް ލިބިފައިނުވެ އެވެ.
