މިއީ ޓްރާނސްޕޯޓް މިނިސްޓްރީގެ ޓްރެފިކް ޑީކޮންޖެސްޝަން ޕްރޮގްރާމްގެ ދަށުން ކުރިއަށް ގެންދާ މަސައްކަތެކެވެ. އެގޮތުން މި ޕްރޮގްރާމް ފަށާފައިވަނީ މިދިޔަ އަހަރުގެ ފެބްރުއަރީ މަހުގެ ތެރޭގައެވެ.
ޓްރާންސްޕޯޓް މިނިސްޓްރީން ބުނީ މި ޕްރޮގްރާމްއަކީ މަގުތަކުގެ ތޮއްޖެހުން ލުއި ކުރުމަށާއި އާންމު ދަތުރުފަތުރުގެ ނިޒާމު އިތުރަށް ހަރުދަނާ ކުރުމަށް އަދި މަގުތަކުގައި ހިނގާ ބިނގާވެ އުޅޭ އާންމު ރައްޔިތުންނަށް ފަސޭހަކަމާއެކު ދަތުރުކުރެވޭނެ މާހައުލެއް ގާއިމްކުރުމަށްޓަކައި ކުރިއަށް ގެންދެވޭ ޕްރޮގްރާމެއް ކަމަށެވެ.
މިއީ ޓްރާނސްޕޯޓް މިނިސްޓްރީ، އެމްޓީސީސީ، މާލޭ ސިޓީ ކައުންސިލް ، ކަސްޓަމްސް ، މޯލްޑީވްސް ޕޮލިސް ސާވިސް އަދި އެޗްޑީސީ އިން ގުޅިގެން ކުރިއަށް ގެންދާ ޕްރޮގްރާމެކެވެ.
ރަޖިސްޓްރީނުކޮށް ހުޅުމާލޭގެ މަގުތަކުގައި ޕާކުކޮށްފައި ހުންނަ އުޅަނދުތައް ނެގުމާއި އުޅަނދު ރަޖިސްޓްރީކޮށްފައިވަނީ ގަވާއިދާ އެއްގޮތަށްތޯ ބެލުމުގެ މަސައްކަތްކުރަމުން ގެންދާނެ ކަމަށްވެެސް ފުލުހުން ވަނީ މީގެކުރިން ބުނެފަ އެވެ.
