މާލޭ ރަށްވެހިންނަށް ގޯތި ދޭން ހިންގި "ބިންވެރިޔާ" ސްކީމުގެ ދަށުން ގޯތި ނުލިބޭ ބަޔަކަށް ގޯތިިތަކެއް ދިން މައްސަލާގައި ފަޒުލް މަގާމުން ސަސްޕެންޑްކޮށް އޭނާގެ ޕާސްޕޯޓް ވަނީ ހިފަހައްޓާފައެވެ. މަގާމުން ސަސްޕެންޑްކުރުމުން އޭނާ ވަނީ މިދިޔަ ޑިސެމްބަރުމަހުގެ 21ގައި މަގާމުން އިސްތިއުފާ ދެއްވާފައެވެ.
ފުލުހުން ބުނީ ފަޒުލްގެ މައްޗަށް ކުރަނީ އެޗްޑީސީގެ ރަސްމީ ލިޔެކިޔުންތަކެއް ނައްތާލަން މަސައްކަތް ކުރި ކަމުގެ ތުހުމަތުކަމަށެވެ. އަދި އޭނާއާ ސުވާލުކޮށް ބަޔާން ނަގާފައިވަނީވެސް އެ ތުހުމަތުގައިކަމަށް ފުލުހުން ބުނެއެވެ.
ފަޒުލްއަށް ތުހުމަތުކުރެވޭ މައްސަލާގައި ފަޒުލް ދިރިއުޅޭ ގެ ބަލާ ފާސްކުރުމުގެ ތެރޭގައި އެގެއިން ނަގުދު ފައިސާއިން މިލިއަނަކަށްވުރެ ގިނަ ރުފިޔާ ފެނިފައިވެއެވެ. އެހެންނަމަވެސް ލޯންޗު ފެރީގެ ހިދުމަތް ދޭ ރިލެކްސް ފެރީ ސާވިސްއިން ވަނީ ފަޒުލްގެ ކުންފުންޏަކަށް ލޯންޗެއް ބަނުމަށް 1.4 މިލިއަން ރުފިޔާ ދިން ކަމަށް ބުނެފައެވެ.
