މި ހިދުމަތްތައް އިފްތިތާހުކުރީ ރައިސް ޑރ. މުހައްމަދު މުއިއްޒު ރ. އަތޮޅަށް މީހާރު ކުރައްވަމުން ގެންދަވާ ދަތުރުފުޅުގެ ތެރެއިން އުނގޫފާރަށް ރައްޔިތުންނާ ބައްދަލުކުރެއްވުމަށް ބޭއްވި ޖަލްސާގައެވެ.
ދިވެހި ރައްޔިތެއްކަން އަންގައިދޭ ކާޑު ޕްރިންޓްކޮށް ދޫކުރުމާއި، ޕާސްޕޯޓު ދޫކުރުމުގެ ހިދުމަތް ރ. އަތޮޅުގައި ފައްޓަވާ ދެއްވީ ހޯމް މިނިސްޓަރު އަލީ އިހްސާނާއި ރ. އަތޮޅު ކައުންސިލުގެ ރައީސް ހުސެއިން ނާސިފެވެ.
މި ހިދުމަތްތައް ރ އަތޮޅުގައި ފެށުމުން އިމިގްރޭޝަނުން ބުނީ މާދަމާއިން ފެށިގެން "އިމުގާ" މެދުވެރިކޮށް ހުށަހަޅާ ޕާސްޕޯޓުތައް ރ.އުނގޫފާރުން ނެގުމުގެ އިންތިޒާމް ހަމަޖެހިފައިވާކަމަށެވެ.
ރ. އަތޮޅުގައި ޕާސްޕޯޓް ހިދުމަތް ފަށަނީ
މި އަހަރު ހުރިހާ އަތޮޅެއްގައި އައިޑީ ކާޑާއި ޕާސްޕޯޓު ހެދުމުގެ ހިދުމަތް ފެށުމުގެ މަޝްރޫއު ރައީސް ޑރ. މުހައްމަދު މުއިއްޒު އިފްތިތާހުކޮށްދެއްވީ މިދިޔަ ނޮވެމްބަރު މަހުގެ 16 ވަނަދުވަހުއެވެ.
މި މަޝްރޫއު އިފްތިތާހް ކުރުމުގެ ރަސްމިއްޔާތުގައި ވާހަކަ ދައްކަވަމުން ހޯމް މިނިސްޓަރު އަލީ އިހްސާން ވިދާޅުވީ މުޅި ރާއްޖެގައި ހިދުމަތް ފަށާއިރު އެންމެ ބޮޑު ގޮންޖެހުމަކީ މައުލޫމާތުގެ ރައްކާތެރިކަމާއި އައިޑީކާޑާއި ޕާސްޕޯޓު ފަދަ ސެކިއުއާ ޑޮކިއުމަންޓްތަކެއް ބައިނަލްއަގްވާމީ މިންގަނޑުތަކާ އެއްގޮތަށް ބެލެހެއްޓޭނެ ނިޒާމެއް ގާއިމުކުރުންކަމަށެވެ. އަދި ކުރީ ސަރުކާތުތަކަށްވެސް މިކަން ނުކުރެވި އޮތީ މި ގޮންޖެހުބްތަކުގެ ސަބަބުންކަމަށްވެސް މިނިސްޓަރު އިހްސާން ވިދާޅުވިއެވެ.
މިނިސްޓަރު އިހްސާން ވިދާޅުވީ ހުރިހާ އަތޮޅެއްގައި އައީޑި ކަޑާއި ޕާސްޕޯޓްގެ ހިދުމަތް ފަށާއިރު އެ ތަންތަނުން ޕްރިންޓްކުރެވޭނީ ހަމައެކަނި މާލޭގައި ހުންނަ މައި އިދާރާތަކުން އޮތަރައިޒް ކުރާ އައިޑީކާޑާއި ޕާސްޕޯޓްތައް އެކަނި ކަމަށެވެ.
