ވެރިކަމާއި ހަވާލުވެޑައިގަތުމަށް ފަހު ޓްރަމްޕަ ވަނީ ވަރުގަދަ ނިންމުންތަކެއް ނިންމަވާފައެވެ. އޭގެތެރޭގައި އެމެރިކާއިންދޭ އެހީތައް ހުއްޓާލުމާއި ދުނިޔޭގެ ސިއްހަތު ޖަމިއްޔާއިން ވަކިވުމާއި ޕެރިސް ކްލައިމެޓް އެއްބަސްވުމުން ވަކިވުންވެސް ހިމެނެއެވެ.
ކްލައިމެޓް ވަލްނަރަބަލް ފޯރަމް (ސީވީއެފް) ނެރުނު ބަޔާނެއްގައި އެ ފޯރަމްގެ ސެކްރެޓަރީ ޖެނެރަލްގެ ހައިސިއްޔަތުން، ކުރީގެ ރައީސް މުހައްމަދު ނަޝީދު ވަނީ އެމެރިކާގެ އާ ސަރުކާރާ އެކު މަސައްކަތް ކުރުމުގެ ފުރުސަތު ލިބިވަޑައިގެންނެވުމުން މަރުހަބާ ވިދާޅުވެފައެވެ. އެހެންނަމަވެސް ޕެރިސް އެގްރީމެންޓުން އެމެރިކާ ވަކިވާން ނިންމުމުން ހިތާމަކުރައްވާކަކަމަށް އެ ބަޔާނުގައި ނަޝީދު ވިދާޅުވިއެވެ.
ބަޔާނުގައި ނަޝީދު ވިދާޅުވީ ފެރިސް އެގްރިމެންޓަކީ ބޮޑެތި ގައުމުތަކުން ތިމާވެއްޓަށް ދެމުންދާ ގެއްލުންތައް ކުޑަކުރުމަށް ހަދާފައިވާ އެއްބަސްވުމެއްކަމަށާއި އެ އެއްބަސްވުމުގެ ސަބަބުން މުސޫމީ ބަދަލުތަކުގެ ސަބަބުން ނޭދެވޭ އަސަރުތައް ތަހައްމަލު ކުރަމުންދާ ތަރައްގީވަމުން އަންނަ ކުދި ގައުމުތަކަށް އުއްމީދުތަކެއް ލިބުނު ކަމަށެވެ.
ރައީސް ނަޝީދު ވަނީ މޫސުމީ ގޮތުން ކުރާ ނެދެވޭ އަސަރުތައް ބައްލަވާ ލެެއްވުމަށް ރާއްޖެ ޒިޔާރަތްކުރެއްވުމަށް ދައުވަތު ދެއްވާފައެވެ. ނަޝީދު ވިދާޅުވީ މޫސުމީ ނުރައްކާތަކުން އެންމެ ނާޒުކު ގައުމުތަކުގެ މުސްތަގުބަލު ނެތެމުންދާ ދަނޑިވަޅުގައި މީ އެމެރިކާ ފަދަ ބޮޑެތި ގައުމުތަކުން އިސް ނަގައި، އޮއިވަރު ބަދަލުކުރަން ނަމޫނާ ދައްކަންވީ ވަގުތުކަމަށެވެ.
ނަޝީދު ވަނީ އެކަނިކުފާނުގެ ބަޔާނުގައި ޕެރިސް އެއްބަސްވުމުގައި އެމެރިކާ އިން އަލުން ބައިވެރިވާނެ ކަމަށް ޔަގީން ކުރައްވާކަމަށް ވިދާޅުވެފައެވެ.
2015 ގައި އެކުލަވާލި ޕެރިސް އެގްރިމެންޓްގައި ވަނީ ދުނިޔޭގެ ހޫނުމިން މަތިވުން ހުއްޓުވުމަށްޓަކައި ޖައްވަށް ވިހަ ގޭސްތައް ބޭރުކުރުން މަދުކުރުމަށެވެ.
ޓްރަޕްމްގެ ފުރަތަމަ ވެރިކަމުގައިވެސް މި އެއްބަސްވުމުން އެ ގައުމު ވަކިވިއެވެ. ސަބަބެއްކަމަށް ޓްރަޕްމް ވިދާޅުވީ އެ އެއްބަސްވުމުން ތައްޔާރުކޮށްފައިވަނީ އެމެރިކާ އިގުތިސާދީ ހަރަކާތްތައް ހީނަރުވާ ގޮތަށްކަމަށެވެ. ޕެރިސް އެގްރިމެންޓްގައި އަލުން އެމެރިކާ ބައިވެރިވީ ރައީސް ޖޯ ބައިޑެންގެ ވެރިކަމުގައި 2021 ވަނަ އަހަރު އެވެ.
