މި އެއްބަސްވުމުގައި ސޮއިކޮށްފައިވަނީ ރައީސް ޑރ. މުއިއްޒު ރ. އަތޮޅަށް ރަށްތަކަށް ކުރައްވަމުން ގެންދަވާ ދަތުރުފުޅުގެ ތެރެއިން ހުޅުދުއްފާރު ރައްޔިތުންނާ ބައްދަލުކުރެއްވުމަށް ބޭއްވި ރަސްމިޔާތުގެ ތެރެއިންނެވެ.
މި 2 އެެއްބަސްވުމުގައި ހުޅުދުއްފާރު ކައުންސިލްއިން ސޮއިކުރެއްވީ އެ ރަށު ކައުންސިލް ރައީސް މުހައްމަދު އާތިފްއެވެ. ބީއެމްއެލްގެ ފަރާތުން އެއްބަސްވުމުން ކައުންސިލް އާ ހަވާލުކުރެއްވީ އެ ބޭންކުގެ ޑިރެކްޓާ އޮފް ރީޓެއިލް އެންޑް އެސްއެމްއީ ބޭންކް އިން ބަދުރުއްދީން ހަސަން އެވެ. އަދި އެމްއައިބީގެ ފަރާތުން ސޮއިކުރެއްވީ އެ ބޭންކުގެ މެނޭޖިން ޑިރެކްޓަރު މުފައްދަލް އިދްރީސް ކުމްރީއެވެ.
ރ ހުޅުދުއްފާރުގައި އެމްއައިބީގެ ހިދުމަތް ތައާރަފްކޮށް އޭޓީއެމް ބަހައްޓަން ސޮއިކުރުން
މި އަހަރުގެ ނިޔަލަށް ރާއްޖޭގައި މީހުން ދިރިއުޅޭ ހުރިހާ ރަށެއްގައި އޭޓީއެމް ބެހެއްޓުމުގެ މަޝްރޫއެއް ސަރުކާރުން ވަނީ ފަށާފައެވެ. މި މަޝްރޫއުގެ ދަށުން ބައެއް ރަށްރަށުގައި ބޭންކް އޮފް މޯލްޑިވްސްގެ އޭޓީއެމް ބަހައްޓާއިރު އަނެއް ބައި ރަށްރަށުގައި އިސްލާމިކް ބޭންކުގެ އޭޓީއެމް ބެހެއްޓުމަށް ވަނީ ހަމަޖެހިފައެވެ.
މި އަހަރުގެ ނިޔަލަށް ރާއްޖޭގައި މީހުން ދިރިއުޅޭ 19 ރަށެއްގައި އެމްއައިބީގެ އޭޓީއެމް ބަހައްޓާނެއެވެ. މި އަހަރު ނިމޭއިރު 37 ރަށެއްގައި އެމްއައިބީގެ އޭޓިއެމް ހުންނާނެއެވެ. އެއީ ޖުމްލަ 62 އޭޓީއެމްއެވެ. އޭގެތެރޭގައި ހިމެނެނީ ރުފިޔާ ނެގޭ 56 އޭޓީއެމާއި ޑޮލަރު ނެގޭ ހަ އޭޓީއެމްއެވެ.
މި މަޝްރޫއެގެ ދަށުން ބީއެމްއެލްގެ އޭޓީއެމްތައް ބެހެއްޓުމަށް ނިންމާފައިވަނީ 3 ފިޔަވައްސަކަށް ބަހާލައިގެންނެވެ. ފުރަތަމަ ފިޔަވަހީގައި 17 ރަށެއްގައި އޭޓީއެމް ބަހައްޓާއިރު މި މަސައްކަތް މި އަހަރުގެ މާރިޗު 17 އަށް ނިންމާނެއެވެ. ދެ ވަނަ ފިޔަވަހީގައި 56 އޭޓީއެމް ބަހައްޓާއިރު މި މަޝްރޫއުގެ އެންމެ ފަހު ފިޔަވަހީގައި 30 އޭޓީއެމް ބެހެއްޓުމަށް ވަނީ ނިންމާފައެވެ.
