އެ ހޮސްޕިޓަލުން ސޯޝަލް މީޑިއާގައި ކުރި ޕޯސްޓުގައި ބުނީ މެޑިކަލް ކައުންސިލުން ގަބޫލުކުރާ އެއް އަހަރުގެ އެ ޕްރޮގްރާމްގައި ސްޓްރަކްޗާޑް އެކަޑެމިކް ލެކްޗާ އާއި ވޯކްޝޮޕް އަދި ކްލިނިކަލް ބައިތައް ދަސްކޮށްދޭނެ ކަމަށެވެ.
އެއާއެކު، ދުނިޔޭގެ އެކި ގައުމުތަކުން ކިޔަވައި ނިންމި ދަރިވަރުން ގާބިލް އަދި ލައިސަންސް ލިބިފައިވާ ހުނަރުވެރި ޑޮކްޓަރުންނަށް ވާނެ ކަމަށެވެ.
އޭޑީކޭގައި އިންޓާންޝިޕް ފުރިހަމަކުރަން ކޮންމެ ޑޮކްޓަރަކު މަހަކު 14،500 ރުފިޔާ ދައްކަންޖެހެއެވެ.
މޯލްޑިވްސް މެޑިކަލް ކައުންސިލްގެ ގަވާއިދު އޮންނަ ގޮތުން ޕްރެކްޓިސް ކުރުމަށް ޑޮކްޓަރުންނަށް ލައިސެންސް ދެވޭނީ 5-6 އަހަރުގެ ކިޔެވުމަށް ފަހު އެއް އަހަރުގެ އިންޓާންޝިޕެއް ފުރިހަމަ ކުރުމުންނެވެ.
މިކަމާ ގުޅިގެން އެ ހޮސްޕިޓަލުން ވަނީ މިކަމަށް ހަރަދުވާނެ އަދަދާއި އެހެނިހެން ކަންކަމުގެ ތަފްސީލު ފޮނުވާފައެވެ. އަދި އެ ހަރަދުތައް ސަރުކާރުން ދައްކާ ހަލާސް ކުރުމަށް އެދިވަޑައިގެންފައެވެ.
