މަޑުވަރީގެ އިހްތިސާސްގެ ތެރެގައި "އުފުލަންދޫ" ހިމަނާނެކަން ރައީސް އިއުލާން ކުރެއްވީ މިހާރު ރ އަތޮޅަށް ކުރައްވާ ދަތުރުފުުގައި އެރަށު ރައްޔިތުންނާއި ބައްދަލުކުރައްވާ ވާހަކަފުޅު ދައްކަވަމުންނެވެ.
މަޑުއްވަރީގައި ފައިބަރުގެ މަސައްްކަތް ފަދަ އެކި އެކި އިގްތިސާދީ މަސައްކަތް ކުރާކަން ފާހަގަކުރައްވަމުން ރައީސް ޑރ. މުއިއްޒު ވިދާޅުވީ އިގްތިސާދީ ކަންކަމަށް، ބޭނުން ކުރާ ތަންތަން ރަށުން ބޭރަށް ބަދަލުކުރުމަކީ ރަށުގެ ޖާގަ އިތުރުވެގެންދާނެކަމެއްކަމަށެވެ.
ކެންސަރު ބަލިފަދަ ނުރައްކާތެރި ބަލިތައްވެސް އިތުރުވަނީ ފައިބަރުގެ މަސައްކަތް ފަދަ ކަންކަން ކުރާތީ ކަަމަށާއި މަޑުއްވަރީގައި އެކަމުގެ މައްސަލަ ވަރަށް ބޮޑުކަމަށް މައުލޫމާތު ލިބިފައިވާކަމަށްވެސް ރައީސް މުއިއްޒު ވިދާޅުވިއެވެ.
އެހެން ކަމުން އެކަމުގެ ހައްލަކަށް ކައިރީ އޮންނަ ފަޅު ރަށެއް މަޑުއްވަރީގެ އިހްތިސާސްގައި ހިމަނަން ނިންމާފައިވާކަން ރައީސް ހާމަކުރެއްވިއެވެ.
ރ.މަޑުއްވަރީ ރައްޔިތުންނާ ބައްދަލުކޮށް ވާހަަކަދައްކަވަމުން ރައީސް ޑރ.މުއިއްޒު ވިދާޅުވީ ރިޔާސީ ކެމްޕޭނުގައި ވައުދުވެ ވަޑައިގެން ގޮތަށް އެރަށުގެ ބިން ހިއްކުމުގެ މަޝްރޫއު މިއަހަރުތެރޭ ފަށްޓަވާނެކަމަށެވެ. އެގޮތުން އެންމެ ބޮޑުކޮށް ހިއްކެން އޮތް މިންވަރަކަށް ހިއްކަވާނެކަމަށާއި އޭރުވެސް ރަށުގެ ބިމަަށް 6 ހެކްޓަރު އިތުރުވެގެންދާނެކަމަށް ރައީސް ވިދާޅުވިއެވެ. އަދި އެ ވަރަށް ބިން އިތުރުވެގެން ދިޔަސް މަޑުއްވަރިއަށް ދިމާވެފައި އޮތް ގެދޮރުގެ މައްސަލައަކަށް އެކަށީގެންވާ ހައްލެއް ނާންނާނެކަން ރައީސް ވަނީ ފާހަގަކުރައްވާފައެވެ.
ރ. މީދުގައިވެސް ބިމުގެ ޖާގައިގެ މައްސަލަ ވަރަށް ބޮޑުކަން ފާހަގަކުރައްވަމުން އެރަށުގެ ކައިރީގައި އޮންނަ ފަޅުރަށް "ތާވަތާ" މީދޫއަށް ދޭން ނިންމިކަންވެސް ރައީސް ވަނީ އިއުލާން ކުރައްވާފައެވެ.
