ads
ގައްދޫ ކައުންސިލްގެ ރައީސް
ބިދޭސީ ޓީޗަރުންނަށް ގައްދޫ ކައުންސިލްގެ ވަރުގަދަ އިންޒާރެއް
ބިދޭސީ ޓީޗަރުން ޓިއުޝަންދޭކަމުގެ ޝަކުވާ ލިބެމުންދާ ކަމަށް ބުނެ، ގދ. ގައްދޫ ކައުންސިލުން، އެކަމާ ދެކޮޅަށް ފިޔަވަޅު އަޅާނެ ކަމުގެ އިންޒާރު ދީފިއެވެ.
Advertisement

ގދ. ގައްދޫ ކައުންސިލުން އާއްމު ކުރި ބަޔާނެއްގައި ބުނީ، ނިޒާމީ ތަޢުލީމު ދާއިރާގައި މަސައްކަތްކުރާ ބިދޭސީ ޓީޗަރުން އާންމުނަށް ނުކަތާވަރުގެ އަގު ކަނޑައަޅައިގެން ރަށުތެރޭގައި ޓިއުޝަންދޭކަމުގެ ޝަކުވާ ކެނޑިނޭޅި ކައުންސިލަށް ލިބެމުންދާ ކަމަށެވެ. 

އެކަމާ ގުޅިގެން، ހާއްސަ ފިޔަވަޅުތަކެއް އެޅުމަށް ހޯމް މިނިސްޓްރީއާއި އެޑިއުކޭޝަނާއިއެކު ކައުންސިލުން މަސައްކަތް ފަށާފައިވާ ކަމަށް ގައްދޫ ކައުންސިލުން ބުންޏެވެ.

ގައްދޫ ކައުންސިލުން ބުނި ގޮތުގައި އެކަމަކީ ގާނޫނާއި ހެދިފައިހުރި ގަވާއިދުތަކާއިވެސް ހިލާފު ކަމަކެވެ. އެކަމަކު އެކަން ހިލާފުވަނީ ކޮން ގަވައިދަކާ ކަމެއް ނުވަތަ ގާނޫނަކާ ކަމެއް އެ ކައުންސިލަކުން ނުބުނެއެވެ.

ދެންނެވުނު ކަމަކީ ގާނޫނާއި ހެދިފައިހުރި ގަވާއިދުތަކާއިވެސް ހިލާފު ކަމަކަށްވާއިރު ރަށުގެ ނިޒާމީ ތަޢުލީމު ފެންވަރު ރަނގަޅު ގޮތެއްގައި ހަމަހަމަކަމާއިއެކު ކިޔަވާ ކުދިންނަށް ފޯރުކޮށްދިނުމުގައި ބުރޫއަރާނެ ކަމެއްކަމުގައި ކައުންސިލުންދެކެމެވެ.

ގައްދޫ ކައުންސިލުން ބުނީ ގާނޫނާއި ގަވާއިދާ ހިލާފަށް ހިތުހުރި ގޮތަކަށް އަމިއްލައަށް މުސާރައާއި އަގުހަދައިގެން ގައްދޫގައި ޓިއުޝަން ދެމުންގެންދާ ޓީޗަރުންނަށް، ދިވެހިރާއްޖޭގެ އިމިގްރޭޝަންގެ ޤާނޫނާއި އަދި ދިވެހިރާއްޖޭގައި ބިދޭސީން ވަޒީފާ އަދާކުރުމާބެހޭ ގަވާއިދުގެ ދަށުން ފިޔަވަޅު އެޅުމަށް ކަމާއިގުޅޭ އިދާރާއަށް ފޮނުވޭނެ ކަމަށެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް