މޫސުމާ ބެހޭ އިދާރާއިން ބުނީ ގިނަ ރަށްތަކަށް ގުގުރުމާއެކު ބޯވާރޭ ވެހުން އެކަށީގެންވާ ކަމަށެވެ. އަދި މިހާރު ކުރަމުންދާ ވިއްސާރަ އަންނަ ހޯމަ ދުވަހާ ހަމައަށް ދެމިގެންދާނެ ކަމަށްވެސް އެ އިދާރާއިން ބުނެފައިވެއެވެ.
މޫސުން ގޯސްވުމާ ގުޅިގެން ށ އަތޮޅުން ފެށިގެން ވ އަތޮޅަށް ޔެލޯ އެލާޓް ނެރެފައިވާއިރު، ހއ އަތޮޅުން ފެށިގެން ޅ އަތޮޅާ ހަމައަށް އަދި ލ އަތޮޅުން ފެށިގެން އައްޑޫ ސިޓީއަށް ވައިޓް އެލާޓް ނެރެފައިވެއެވެ. މިއަދުގެ ވޭތުވެދިޔަ 24 ގަޑިއިރު ތެރޭގައި އެންމެ ގިނައިން ވާރޭވެހިފައިވަނީ ގދ. ފާރެސްމާތޮޑާއަށް ކަމަށްވާއިރު، އެރަށަށް 129.7 މިލިމީޓަރުގެ ވާރޭ ވެހިފައިވެއެވެ.
މޫސުމާ ބެހޭ އިދާރާއިން އިތުރަށް ބުނީ ދެކުނުގެ އަތޮޅުތަކުގައި ހުޅަނގު އުތުރާއި އުތުރުން ގަޑިއަކު 8 މޭލާއި 18 މޭލާ ދެމެދުގެ ބާރުމިނުގައި ވައިޖަހާނެ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވުން އެކަށީގެންވާ ކަމަށްވެސް އެ އިދާރާއިން ބުނެފައިވެއެވެ.
- ކުރިއަށް އޮތް 3 ދުވަހު މޫސުން ގޯސްވާނެ
- ގިނަ ސަރަހައްދުތަކަށް ގުގުރުމާއެކު ބޯވާރޭ ވެހުން އެކަށީގެންވޭ
- ށ އަތޮޅުން ވ އަތޮޅަށް ޔެލޯ އެލާޓް ނެރުނު
- ފާރެސްމާތޮޑާއަށް 129.7 މިލިމީޓަރުގެ ވާރޭ ވެހިފައިވޭ
- ވިލާގަނޑުގައި ގަޑިއަކު 40 މޭލަށް ވައި ގަދަވެދާނެ
