ލައިބާ (ފޮޓޯ ސިޑިބަރި)
މޮލްޑޯވާގައި އޮންނަ މުބާރާތެއްގައި ލައިބާ ވާދަކުރަނީ
ސްޕޯޓްސް ޓީމް
23 ޖެނުއަރީ 2025 - 21:28:34
މޮލްޑޯވާ ގައި އޮންނަ ބެޑްމިންޓަން މުބާރާތެއްގައި ވާދަކުރުމަށް، ރާއްޖޭގެ ޒުވާން ބެޑްމިންޓަން ކުޅުންތެރިޔާ ލައިބާ އަހްމަދު މަހްލޫފް (އެލީ) ފުރައިފި އެވެ.
Advertisement
މި މުބާރާތް އޮންނާނީ މޮލްޑޯވާގެ ޝިސިނައުގައެވެ. މުބާރާތް ކުޅޭނީ ހުކުރު އަދި ހޮނިހިރު ދުވަހުއެވެ. މި މުބާރާތުގައި 209 ކުޅުންތެރިޔަކު ވާދަކުރާނެ އެވެ. އެއީ ޔޫކްރެއިން، މޮލްޑޯވާ، ރޮމޭނިއާ، ބުލްގޭރިއާ އަދި މިޔަންމާގެ ކުޅުންތެރިންނެވެ.
މޮލްޑޯވާ ބެޑްމިންޓަން ފެޑެރޭޝަން އިން އިންތިޒާމްކުރާ މި މުބާރާތަކީ މިއަހަރުގެ ތެރޭގައި ލައިބާ ވާދަކުރާ ބައިނަލްއަގްވާމީ ފުރަތަމަ މުބާރާތެވެ.
ބެޑްމިންޓަން ޔޫރަޕު ކަލަންޑަރުގެ މުބާރާތްތަކުގައި ވާދަކޮށް 2023 ވަނަ އަހަރު އަދި 2024 ވަނަ އަހަރު ގައި ލައިބާ ވަނީ ޖުމްލަ 17 ބައިނަލްއަގުވާމީ މެޑަލް ހޯދައިފަ އެވެ.
މިދިޔަ އަހަރު ބޭއްވި މޯލްޑިވްސް ސްޕޯޓްސް އެވޯޑްސްގައި، ޔަންގް އެތުލީޓް އޮފް ދަ އިޔަރ ކެޓެގަރީ އިން ލައިބާ ވަނީ ބްރޯންސް މެޑަލް ހާސިލްކޮށްފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
