ޔުނައިޓެޑުގެ ކޯޗުކަމުގެ މަގާމުން 2021 ވަނަ އަހަރު ވަކިވީ ފަހުން ކޯޗިންގެ އެއްވެސް މަސައްކަތެއްކޮށްފައިނުވާ، ސޯލްޝެއާ އެނބުރި ކޯޗިންއަށް އައީ، ތުރުކީ ސުޕަ ލީގުގެ ކްލަބް ބެސިކްޓާސްގެ ކޯޗުގެ ގޮތުގަ އެވެ. އެ ކްލަބުގެ ކޯޗުކަމުގެ މަގާމުގައި ސޯލްޝެއާގެ ފުރަތަމަ މެޗަކީ، ޔޫރޮޕާ ލީގުގައި އެތްލެޓިކޯ ބިލްބާއޯއާ ދެކޮޅަށް ކުޅުނު މެޗެވެ. މި މެޗުން ބެސިކްޓާސްވަނީ ހަތަރު ލަނޑު އެއް ލަނޑުން މޮޅުވެފަ އެވެ.
މެންޗެސްޓާ ޔުނައިޓެޑްގެ ކޯޗުކަމުން، 2021 ވަނަ އަހަރުގެ ނޮވެމްބަރު މަހު ވަކިވި ފަހުން، ގިނަ ހުށަހެޅުންތަކެއް ލިބުނުނަމަވެސް އެއްވެސް ހުށަހެޅުމެއް މިހާތަނަށް އޭނާ ހުރީ ގަބޫލު ނުކޮށެވެ.
ބެސިކްޓާސްގެ ކޯޗުކަމުން މިދިޔަ ނޮވެމްބަރު މަހު، ޖިއޮވާނީ ވެން ބްރޮންކޯސްޓް ވަކިވި ފަހުން، އެ ޓީމުން ކުރިއަށްދިޔައީ، ވަގުތީ ކޯޗު، ސަރުދާރު ތޮކްރަޕްތެޕޭއާއެކު އެވެ. އެކަމަކު، އެ ކްލަބްގެ މެނޭޖްމަންޓުން ދާއިމީ ކޯޗެއް ގޮތުގައި ސޯލްޝެއާ އެ ކްލަބާ ހަވާލުވީ ދެ އަހަރުގެ ކޮންޓްރެކްޓެއްގެ ދަށުންނެވެ.
