ހިރިޔާ ސްކޫލުގެ ޕީޓީއޭއިން އިންތިޒާމުކޮށްގެން ކުރިއަށް ގެންދިޔަ މުބަރާތް އޮތީ އެ ސްކޫލު ޓާފުގައެވެ.
އެނގިފައިވާ ގޮތުގައި ހިރިޔާ ސްކޫލުގެ ޕީޓީއޭއިން އިންތިޒާމުކޮށްގެން ބެލެނިވެރިންނަށް ހާއްސަ ކޮށްގެން ކުރިޔަށް ގެންދިޔަ މުބާރާތުގައި ފުޓުބޯޅަ ކުޅެނިކޮށް ނިޔާވީ އުމުރުން 30-40 އަހަރާ ދެމެދުގެ ފިރިހެނެކެވެ.
މި ހާދިސާއާ ގުޅިގެން އެޑިއުކޭޝަން މިނިސްޓްރީން މީޑިއާތަކަށް ފޮނުވި މެސެޖެއްގައި ބުނީ މެޗަށް ފަހު ދަނޑުމަތީގައި އޮށޯތް ބެލެނިވެރިއަކަށް ސިއްހީ މައްސަލައެއް ދިމާވިކަން ފާހަގަވެގެން އައިޖީއެމްއެޗަށް ގެންދިޔަ ކަމަށް ސްކޫލުން މިނިސްޓްރީއަށް މައުލޫމާތު ދީފައި ވާކަމަށެވެ. އަދި މި ބެލެނިވެރިޔާ ނިޔާވެފައި ވާކަމަށް މިނިސްޓްރީން ބުނެއެވެ. މިކަމުގައި އާއިލާއަށް ދޭންޖެހޭ އެހީތެރިކަން މިނިސްޓްރީގެ ފަރާތުން ދެމުން އަންނަކަމަށް އެޑިއުކޭޝަން މިނިސްޓްރީން ބުނެއެވެ.
