މި ހަރަކާތަކީ ބަންގްލަދޭޝްގައި ގައުމު ބިނާކުރުމުގެ ހަރަކާތްތަކުގައި ޒުވާނުންގެ ބައިވެރިވުން އިތުރުކުރުމަށް ކުރިއަށްގެންދާ ފެސްޓިވަލް އޮފް ޔޫތު 2025އާ ގުޅުވައި، ހައި ކޮމިޝަނުން ބޭއްވި ހަރަކާތެކެވެ.
އެ ހަރަކާތުގައި ޖުމްލަ 50 ބްލަޑް ބޭގްގެ ލޭ ހަދިޔާކޮށްފައިވެއެވެ.
ރާއްޖޭގައި މަސައްކަތްކުރާ ބަންގްލަދޭޝްގެ ރައްޔިތުން އެ ހަރަކާތުގައި ބައިވެރިވެ، ލޭ ހަދިޔާކޮށްފައިވެއެވެ. އަދި އެކްޓިން ހައިކޮމިޝަނަރު ސޮހެލް ޕަރުވޭޒް ވެސް ކޭމްޕަށް ޒިޔާރަތް ކުރައްވައި، ލޭ ހަދިޔާ ކުރެއްވިއެވެ.
ބަނގްލަދޭޝް ގެ މީހުން ލޭ ހަދިޔާ ކުރުމުގެ އިވެންޓް ތެރެއިން
ޕަރުވޭޒް ވިދާޅުވީ އެފަދަ ހަރަކާތްތަކުން ދެ ގައުމުގެ ރައްޔިތުންގެ ގުޅުން ރަނގަޅުވާނެ ކަމަށެވެ.
އެ ހަރަކާތުގައި ބައިވެރިވި މީހުންނަށް އޭނާ ހަނދާނީ ލިޔުން ވެސް ދެއްވިއެވެ.
މީގެ އިތުރުން އެފަދަ ހަރަކާތެއް ބާއްވަން ފުރުސަތު ދިނުމުން މޯލްޑިވިއަން ބްލަޑް ސާވިސަސްއަށް ޕަރުވޭޒް ޝުކުރު އަދާކުރެއްވިއެވެ.
