ރައީސް މިހެން ވިދާޅުވީ މިއަދު ފާހަގަކުރާ އިންޑިއާގެ 76 ވަނަ ޖުމްހޫރީ ދުވަހުގެ ތަހުނިޔާ ފޮނުއްވައި 'އެކްސް'ގައި ކުރެއްވި ޕޯސްޓެއްގައެވެ.
ދުވަހުގެ ތަހުނިޔާއާއި ހެޔޮއެދުންތައް އިންޑިއާގެ ރައީސް ދުރޫޕަދީ މުރުމޫ އާއި ބޮޑުވަޒީރު ނަރެންދުރަ މޯދީއަށް އަރުސްކުރައްވާ ރައީސް ފޮނުއްވި މެސެޖުގައި ވިދާޅުވީ ރާއްޖެ އާއި އިންޑިއާއާ ދެމެދު އޮންނަ ގުޅުމަކީ އަބަދުވެސް ވަރަށް ބަދަހި ގުޅުމެއް ކަމަށެވެ. އަދި މި ގުޅުން ރާއްޖޭން އަބަދުވެސް ބަލައިގަނެ އެ ގުޅުމުގެ އަގު ވަޒަންކުރާކަމަށްވެސް ރައީސް މުއިއްޒު ވިދާޅުވިއެވެ.
މީގެ އިތުރުން ދެޤައުމުގެ ގުޅުން އިތުރަށް ހަރުދަނާ ކުރެއްވުމަށާއި ދެޤައުމުގެ ރައްޔިތުންނަށް ފައިދާކުރާ ކަންކަމުގައި އެކުގައި މަސައްކަތް ކުރެއްވުމަށް ސާބިތުކަމާއެކު ހުންނެވާނެ ކަމަށް ރައީސުލްޖުމްހޫރިއްޔާ ކުރެއްވި ޕޯސްޓުގައި ވިދާޅުވެފައިވެއެވެ.
އިންޑިއާގެ ޖުމްހޫރީ ދުވަހަކީ އެޤައުމުން މިހާރު އަމަލުކުރަމުންދާ ޤާނޫނުއަސާސީއަށް އަމަލުކުރަން ފެށުމާ ގުޅިގެން ފާހަގަކުރަމުން އަންނަ ދުވަހެކެވެ. އެ ޤާނޫނުއަސާސީއަށް އަމަލުކުރަން ފަށާފައިވަނީ 26 ޖެނުއަރީ 1950ގައެވެ.
