ކެމިކަލްގެ އަސަރު ފެނިގެން މަނާ ކުރީ ތަދުކަނޑުވަން ކުޑަކުދިންނަށް ދޭ ދެ ބޭހެއްކަމަށްވާ ޕާކިސްތާނުގެ އެފްރޯޒާ ކެމިކަލް އިންޑަސްޓްރީގައި އުފައްދާ މެފްނެކް ސަސްޕެންޝަން ސިރަޕާއި މެލޭޝިޔާގެ ކޮޓްރާ ފާމާގެ އެކްސެލް މެފެނެމިކް އެސިޑް ސަސްޕެންޝަން ސިރަޕެވެ.
މި ދެ ބޭސް ރާއްޖެ އެތެރެކުރުމާއި ވިއްކުން މަނާކުރީ މިދިޔަ ނޮވެމްބަރު މަހުގެ 26 ވަނަ ދުވަހުއެވެ. ބޭސް މަބާކުރީ މި ބޭހުން ޑައިތީލައިން ގްލައިކޯލް އަދި އިތައިލީން ގްލައިކޯލް ފެނިގެންނެވެ.
އެމްއެފްޑީއޭ އން މިއަދު ބުނީ އެ ބޭސްތައް މާކެޓުން ލިބެންހުރި ބެޗްތަކުގެ ސާމްޕަލް ނަގާ ރާއްޖެއިން ބޭރަށް ފޮނުވާ އިތުރަށް ޓެސްޓްކޮށް ބަލަންޖެހޭ ކަންކަން ބަލާފައިވާކަމަށެވެ. އަދި އެތަހުލީލުތަކުން ބޭހުގެ ރައްކާތެރިކަން ކަށަވަރުކުރެވިފައިވާކަމަށް އެ އިދާރާއިން ބުނެއެވެ.
އެހެންވެ މިއަދުން ފެށިގެން ކުރިއެކޭ އެއްގޮތަށް މި ދެބޭސް އިމްޕޯޓް ކުރުމާއި، ވިއްކުމާއި އަދި ބޭނުންކުރުމަށް ހުއްދަ ދީފައިވާކަމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) ބުނެއެވެ.
