އެ އޮތޯރިޓީން ކުރި އިއުލާނެއްގައި ބުނީ މާކެޓުން ލިބެން ހުރި އެ ދެ ބޭހުގެ ބެޗުތައް ޓެސްޓުކޮށް ބަލަން ޖެހޭ ކަންކަން ބަލައި ބޭހުގެ ރައްކާތެރިކަން ކަށަވަރުކޮށްފައިވާ ކަމަށެވެ.
އެހެންވެ، ބޭސް އެތެރެކޮށް ވިއްކުމުގެ ހުއްދަ މިހާރު ދީފައިވާކަމަށް އެ އޮތޯރިޓީން ވަނީ ބުނެފައެވެ.
ނަމަވެސް ރައްކާތެރިކަމުގެ ފިޔަވަޅެއްގެ ގޮތުން މި ދެ ބޭސް އިމްޕޯޓް ކުރާއިރު ޑައިއީޓައިލިން ގްލައިކޯލް (ޑީއީޖީ) އަދި އިތައިލީން ގްލައިކޯލް (އީޖީ) އެނަލައިސިސް ރިޕޯޓް ހުށަހަޅަން ޖެހޭނެ ކަމަށް އެ އޮތޯރިޓީން ވަނީ ބުނެފައެވެ. އަދި އެރިޕޯޓަކީ ޑަބްލިއުއެޗްއޯ އިން ހުއްދަ ދީފައިވާ ލެބޯޓަރީއަކުން ހަދާފައިވާ ޓެސްޓަކަށް ވާން ޖެހޭނެ ކަމަށެވެ.
މި ދެ ބެހުގެ ތެރެއިން އެކްސެލް މެފެނަމިކް ސިރަޕް އަކީ ތަދު މެދުމިންވަރަކަށް ހިފެހެއްޓުމަށް ދޭ ބެހެކެވެ. އަދި މެފެނަމިކް އަކީވެސް ހަމަ އެފަދައިން ތަދު ތަކަށް ހާއްސަ ކޮށްފައިވާ ބޭހެކެވެ .
