މި ފުރުސަތު އިތުރުކޮށްފައިވަނީ ގިނަ ފަރާތްތަކަށް މުބާރާތުގައި ބައިވެރިވުމުގެ ފުރުސަތު ދިނުމަށެވެ.
މުބާރާތާ ގުޅޭގޮތުން މަޢުލޫމާތު ދިނުމަށް ފެބްރުއަރީ 17 ވަނަ ދުވަހުގެ މެންދުރުފަހު 2:00 ގައި އިންފޮމޭޝަން ސެޝަނެއް ބޭއްވުމަށް ވަނީ ހަމަޖެހިފައެވެ. މި ސެޝަންގައި އޮންލައިންކޮށް އަދި ސީދާ ހާޒިރުވެގެންވެސް ބައިވެރިވެވޭނެއެވެ. ސެޝަންގައި މުބާރާތުގެ ލަނޑުދަނޑިތަކާއި، ޖަޖްކުރާނެ މިންގަނޑުތަކާއި، ހުށަހެޅުމުގެ އުސޫލުތަކާ ބެހޭ މައުލޫމާތު ހިއްސާކުރާނެއެވެ.
އެމްއެމްޕީއާރުސީން ބުނީ މި މުބާރާތުން ހޯދަނީ ރާއްޖޭގެ މުއްސަނދި ތަރިކައާއި، ސަގާފަތާއި، ގުދުރަތީ ރީތިކަން ދައްކުވައިދޭ ފަރުމާތަކެއް ކަމަށެވެ. މުބާރާތުން ހޮވޭ ފަރުމާތައް ވެލާނާ އިންޓަނޭޝަނަލް އެއަރޕޯޓާއި މާލެ ސިޓީއާއި ކަނޑުއަޑީގެ ސަރަހައްދުތަކުގައި އިންސްޓޯލްކުރާނެ ކަމަށް އެ ކުންފުނިން ބުންޏެވެ.
ލޭންޑްމާރކް ޑިޒައިންތައް ހުށަހެޅުމުގެ ސުންގަޑިއަކީ ފެބްރުއަރީ 28 ވަނަ ދުވަހުގެ ހަވީރު 6:00 އެވެ. އަދި އިންފޮމޭޝަން ސެޝަނަށް ރަޖިސްޓަރކުރުމުގެ ސުންގަޑިއަކީ ފެބްރުއަރީ 15 ވަނަ ދުވަހުގެ ހަވީރު 6:00 އެވެ.
